ნიუ-იორკში დემონსტრანტებსა და პოლიციას შორის შეტაკება მოხდა, დაკავებული რამდენიმე ადამიანი

ნიუ-იორკში დემონსტრანტებსა და პოლიციას შორის შეტაკება მოხდა, დაკავებულია რამდენიმე ადამიანი ერთი პოლიციელი კი დაშავებულია, - ამის შესახებ ინფორმაციას CNN-ი ავრცელებს.

ტელეკომპანიის ინფორმაციით, დაპირისპირება მაშინ მოხდა, როდესაც აქციის მონაწილეები ბრუკლინის სასამართლო შენობისკენ მიემართებოდნენ და მათი ნაწილი პოლიციის მოთხოვნას, უკან დაეხიათ, არ დაემორჩილა და სამართალდამცავების მანქანა ალყაში მოაქცია.

პოლიციამ რამდენიმე დემონსტრანტი დააკავა.

შეგახსენებთ, აშშ-ის ათობით ქალაქში ერთ კვირაზე მეტია საპროტესტო აქციები არ წყდება. დემონსტრანტები ფერადკანიანი მამაკაცის, ჯორჯ ფლოიდის, გარდაცვალებას აპროტესტებენ და სამართლიანობის აღდგენას მოითხოვენ. ფლოიდი მინესოტას შტატის ქალაქ მინეაპოლისში 25 მაისს პოლიციის მიერ დაკავების დროს გამოჩენილი ძალადობის შედეგად შეუძლოდ გახდა და მოგვიანებით, საავადმყოფოში გარდაიცვალა. რამდენიმე საათის წინ პროკურატურამ ჯორჯ ფლოიდის დაკავებაში მონაწილე ოთხივე პოლიციელს ბრალი წაუყენა. დერეკ შოვინს, რომელიც რამდენიმე დღის წინ დააკავეს და ბრალი მესამე ხარისხის მკვლელობისთვის წაუყენეს, ბრალი მეორე ხარისხის მკვლელობის მუხლით გადაუკვალიფიცირდა, ინციდენტში მონაწილე კიდევ სამი პოლიციელი კი დააკავეს და ბრალი მეორე ხარისხის მკვლელობაში თანამონაწილეობისა და ხელშეწყობისთვის წაუყენეს. ბრალის დამტკიცების შემთხვევაში ოთხივე მათგანს 40 წლამდე პატიმრობა ემუქრება.

იხილეთ ვიდეო:ნიუ-იორკში დემონსტრანტებსა და პოლიციას შორის შეტაკება მოხდა, დაკავებულია რამდენიმე ადამიანი

ვლადიმერ ფესენკო - უკრაინის გარეშე უკრაინის მომავალზე შეთანხმების ნებისმიერი მცდელობები დამარცხებისთვისაა განწირული
დავით თვალაბეიშვილი - ჩვენ მხარს ვუჭერთ ევროკავშირის ენერგეტიკული გაერთიანების მედიაციის გაგრძელებას და მოვუწოდებთ მასში ჩართულ ყველა მონაწილეს, გამოვიყენოთ ეს შესაძლებლობა
ქართული პრესის მიმოხილვა 23.07.2021
თორნიკე შარაშენიძე - ხელისუფლების სერიოზული შეცდომა იყო ვაშინგტონისთვის არასწორი ინფორმაციის მიწოდებაში აშშ-ს ელჩის დადანაშაულება, შესაძლოა, ეს ამბავი მათ მომავალში ცუდადაც კი დაუბრუნდეთ
პირველად საქართველოში - დავით ტატიშვილის სამედიცინო ცენტრში უნიკალური ოპერაცია ჩატარდა
მინერალური წყალი „ბორჯომი“ ახალ კამპანიას იწყებს
„სინერჯი“ თევზის კომპანია „უმალის“ პარტნიორი გახდა
დავით ტატიშვილის სამედიცინო ცენტრმა ამჯერად ახალი ამბულატორიული ცენტრი აჭარის რეგიონში, ბათუმში გახსნა