მექსიკაში ბოლო 24 საათში კორონავირუსით 1 092 ადამიანი დაიღუპა, რაც ქვეყნისთვის რეკორდული დღიური მაჩვენებელია.

მექსიკის ჯანდაცვის სამინისტროს ოფიციალური მონაცემების თანახმად, ქვეყანაში კორონავირუსით დაღუპულთა რაოდენობა 11 700-მდე გაიზარდა.

მათივე ინფორმაციით, ბოლო დღე-ღამის განმავლობაში მექსიკაში კორონავირუსის 3 912 ახალი შემთხვევა დადასტურდა და დაინფიცირებულთა საერთო რაოდენობამ 101 238-ს მიაღწია.

ცნობისათვის, მექსიკა მე-14 ქვეყანა გახდა მსოფლიოში, სადაც დაინფიცირებულთა რაოდენობა 100 000-ს აჭარბებს.