ატლანტაში სამართალდამცავებმა 43 დემონსტრანტი დააკავეს, - ამის შესახებ ინფორმაციას ტელეკომპანია CNN-ი ავრცელებს.
ტელეკომპანიის ცნობით, ამ დროისთვის ქალაქში მშვიდობიანი საპროტესტო აქციები მიმდინარეობს.
შეგახსენებთ, რამდენიმე დღის წინ ატლანტაში სამართალდამცავებსა და დემონსტრანტებს შორის შეტაკება მოხდა და პოლიციამ აქციის მონაწილეების წინააღმდეგ ცრემლსადენი გაზი გამოიყენა. ექვს პოლიციელს, რომელმაც შაბათს ღამით კოლეჯის ორი სტუდენტი დააკავა, ბრალი ძალის გადამატებისთვის წაუყენეს.