ნიკა მელიას განცხადებით, პარტია მზადაა რეგიონებშიც იქნას შეთანხმება მიღწეული, თუკი ოპოზიციური გაერთიანება ქართველ ხალხს დაარწმუნებს, რომ მათი მხრიდან ძლიერი კანდიდატი იქნება წარმოდგენილი

„ნაციონალური მოძრაობის“ პოლიტსაბჭოს თავმჯდომარის ნიკა მელიას განცხადებით, პარტია მზადაა მაჟორიტარობის საერთო კანდიდატებთან დაკავშირებით რეგიონებშიც იქნას შეთანხმება მიღწეული, თუკი ოპოზიციური გაერთიანება ქართველ ხალხს დაარწმუნებს, რომ ოპოზიციის მხრიდან ძლიერი კანდიდატი იქნება წარმოდგენილი.

„რეგიონებში ჩვენ ასევე ვფიქრობთ, რომ უნდა დავიწყოთ აქტიური საარჩევნო კამპანია და ამით დავხუროთ ეს უსაგნო პოლემიკა ოპოზიციურ პარტიებს შორის. რეგიონებში „ნაციონალური მოძრაობა“ ასევე იწყებს საარჩევნო კამპანიას და განვიხილავთ ჩვენს კონკურენტ ოპოზიციურ პარტიებთან ერთად შესაძლებლობას იმ შემთხვევაში, როდესაც ყველანი ერთად დავარწმუნებთ ქართველ ხალხს, რომ ძლიერი ოპოზიციური კანდიდატი იქნება წარმოდგენილი. ასეთ შემთხვევაში მზად ვართ, რეგიონებშიც გამოვიჩინოთ ეროვნული ინტერესი“, - განაცხადა მელიამ.

მისივე თქმით, იქიდან გამომდინარე, რომ „ნაციონალურმა მოძრაობამ“ თბილისში 8 მაჟორიტარული ოლქიდან 6 დათმო და კანდიდატს მხოლოდ სამგორსა და გლდანში წარადგენს, დედაქალაქთან დაკავშირებით პარტია კონსულტაციებში მონაწილეობას აღარ მიიღებს.

„ძვირფასო კოლეგებო, „ნაციონალური მოძრაობა“ ამიერიდან თბილისის გარშემო აღარ იღებს მონაწილეობას კონსულტაციებში“ , - აღნიშნა მელიამ.

ბაკურ კვაშილავა - 19 აპრილის შეთანხმებიდან მმართველი გუნდის გამოსვლა არ ნიშნავს იმას, რომ იგი არ არსებობს - თუ მათ ხმების 43% ვერ მიიღეს, „ქართულ ოცნებას“ მოუწევს ვადამდელი არჩევნების დანიშვნა
ქართული პრესის მიმოხილვა 02.08.2021
ისრაელის ელჩი - საქართველოს ყველა მეგობრისთვის 5 ივლისის მოვლენები აბსოლუტურად შოკისმომგვრელი იყო
ვიქტორ ყიფიანი - მოქმედება თუ უმოქმედობა: ასარჩევი აი ეს არის
ურთიერთთანამშრომლობის მემორანდუმი კავკასიის უნივერსიტეტს და ქეჯის ბიზნესის სკოლას შორის
"თიბისის" აპლიკაციების კონკურსი იწყება
კავკასიის უნივერსიტეტის და ნიუ ჯერსის უნივერსიტეტის ერთობლივი ორმაგი ხარისხის პროგრამა