ევროკომისია ევროკავშირის ქვეყნებს მოუწოდებს, კორონავირუსთან დაკავშირებით დაწესებული სასაზღვრო შეზღუდვები ივნისის ბოლოსთვის გააუქმონ.

ევროკომისიის შინაგან საქმეთა კომისარს, ილვა იოჰანსონის, განცხადებით, ეპიდემიოლოგიური სიტუაცია სწრაფად უმჯობესდება ახლოვდება დრო, როდესაც ევროკავშირის ქვეყნებმა საზღვრებზე დაწესებული შეზღუდვები და კონტროლი უნდა გააუქმონ.

„ძალიან ვუახლოვდებით სიტუაციას, როდესაც ყველა შიდა სასაზღვრო შეზღუდვა და სასაზღვრო შემოწმებები უნდა მოვხსნათ. შესაფერისი თარიღი ივნისის ბოლო უნდა იყოს,“- განაცხადა ილვა იოჰანსონმა „ევრონიუსთან“ საუბარში.

ცნობისათვის, ევროპის რამდენიმე ქვეყანამ შიდა სასაზღვრო შეზღუდვების გამარტივება უკვე დაიწყო, თუმცა, ჯერჯერობით უცნობია, როდის გაისნება ევროკავშირის გარე საზღვრები.