„ამერიკის სამოქალაქო თავისუფლების კავშირი“ დონალდ ტრამპის ადმინისტრაციას დემონსტრანტების სამოქალაქო უფლებების დარღვევისთვის სასამართლოში უჩივის

„ამერიკის სამოქალაქო თავისუფლების კავშირი“ პრეზიდენტ დონალდ ტრამპის ადმინისტრაციას დემონსტრანტების სამოქალაქო უფლებების დარღვევაში ადანაშაულებს და სასამართლოში უჩივის.

ორგანიზაციის განცხადებით, თეთრ სახლთან ახლოს მდებარე ლაფაიეტის პარკიდან აქციის მონაწილეების ძალის გამოყენებით, პოლიციის საშუალებით გაძევება დონალდ ტრამპის ახლომდებარე ეკლესიაში მისვლამდე ცოტა ხნით ადრე, დემონსტრანტების სამოქალაქო უფლებების დარღვევას წარმოადგენს.

ფედერალურ სასამართლოში შეტანილ სარჩელში აღნიშნულია, რომ პარკიდან დემონსტრანტების ცრემლსადენი გაზის გამოყენებით გაძევება პრეზიდენტ დონალდ ტრამპის, გენერალური პროკურორის უილიამ ბარისა და სხვა ოფიციალური პირების კონსპირაციული შეთანხმების საფუძველზე განხორციელდა.

„პრეზიდენტის უსირცხვილო, არაკონსტიტუციური და ნამდვილად კრიმინალური თავდასხმა მშვიდობიან დემონსტრანტებზე იმის გამო, რომ ის მათ შეხედულებებს არ ეთანხმება, ჩვენი ქვეყნის კონსტიტუციური წყობის საფუძველს არყევს,“- განაცხადა „ამერიკის სამოქალაქო თავისუფლების კავშირის“ ვაშინგტონის წარმომადგენლობის იურიდიულმა დირექტორმა სკოტ მიშელმანმა.

ცნობისათვის, რამდენიმე დღის წინ სამართალდამცავებმა თეთრ სახლთან ახლოს მდებარე ლაფაიეტის პარკში შეკრებილი აქციის მონაწილეები, რომლებიც შავკანიანი მამაკაცის ჯორჯ ფლოიდის მკვლელობას აპროტესტებდნენ, ცრემლსადენი გაზის გამოყენებით დაშალეს. აქციის დაშლიდან ცოტა ხნის შემდეგ პრეზიდენტი დონალდ ტრამპი ახლომდებარე ტაძარში მივიდა და ბიბლიით ხელში ფოტო გადაიღო.

კახა გოგოლაშვილი - როცა სტაბილიზაციისკენ მიმართული ნებისმიერი კონსტრუქცია ინგრევა, იქ სამოქალაქო დაპირისპირების საფრთხეც არსებობს
ქართული პრესის მიმოხილვა 29.07.2021
ლევან ალაფიშვილი - ოპოზიციამ მიუტევებელი შეცდომა დაუშვა, როცა პლებისციტი თვითმმართველობის არჩევნებზე მიბმულ პროცენტში გაცვალა
საქართველოს ეროვნული უნივერსიტეტის და SEU DEVELOPMENT-ის ერთობლივი საჩუქარი SEU-ს სტუდენტს და ოლიმპიურ ჩემპიონს, ლაშა ბექაურს
ქართული ეროვნული მაუწყებლების მიერ ფასიანი ტრანზიტის მოთხოვნასთან დაკავშირებით საქართველოს საკაბელო ტელევიზიების კავშირი განცხადებას ავრცელებს
განახლებული ფორმატითა და მიზნებით - Setanta Sports-ი მაუწყებლობას 13 ქვეყანაში იწყებს
ჩაერთე სილქფესტის შეთავაზებებში და გაიაქტიურე დიდი მოცულობის ინტერნეტ და სასაუბრო პაკეტები
"ტანტა" და თერაპიის ცენტრი "გრადაცია" - Social Impact Award 2021-ის ფინალისტები ინკლუზიური მისიით