თბილისში, ნუცუბიძის რაიონის 800-მდე აბონენტს გაზმომარაგება ერთ-ერთი სამშენებლო კომპანიის მიერ გაზსადენის დაზიანების გამო შეუწყდა, - აღნიშნულის შესახებ „ინტერპრესნიუსს „თბილისი ენერჯიში“ განუცხადეს.

როგორც კომპანიაში აცხადებენ, გაზმომარაგება დღეს, 17:00 საათიდან ეტაპობრივად აღდგება.

„ნუცუბიძის რაიონში დღეს, 12:00 საათიდან გაზის მიწოდება ავარიულად შეწყდა. ერთ-ერთმა სამშენებლო კომპანიამ სამუშაოების წარმოებისას საშუალო წნევის გაზსადენი დააზიანა, რის გამოც გაზის მიწოდება 800–მდე აბონენტს ავარიულად შეუწყდა. „თბილისი ენერჯის“ სპეციალისტები აქტიურად მუშაობენ შემთხვევის ადგილზე დაზიანებული მილის აღსადგენად. „თბილისი ენერჯი“ ბოდიშს უხდის აბონენტებს მისგან დამოუკიდებელი მიზეზებით შექმნილი დისკომფორტის გამო. გაზის მიწოდების აღდგენა დღეს 17:00 საათიდან დაიწყება და დღის ბოლომდე დასრულდება. აბონენტები გაზის მიწოდების აღდგენის შესახებ ინდივიდუალურად მიიღებენ მოკლე სატელეფონო ტექსტურ შეტყობინებას“, - აცხადებენ კომპანიაში.