„ახალი საქართველოს” ლიდერი, გიორგი ვაშაძე აცხადებს, რომ ოპოზიციის მხრიდან ვაკეში საერთო მაჟორიტარი დეპუტატობის კანდიდატად მისი დაყენების საკითხი განიხილება.
როგორც ვაშაძემ „ინტერპრესნიუსს” განუცხადა, „ვინც უმჯობესი იქნება, რომ წავიდეს მაჟორიტარულ ოლქში, ის წავა”.
„განიხილება ეს საკითხი. მე ყოველთვის მომხრე ვარ, რომ დავსხდეთ და მშვიდად, წყანარად გადავწყვიტოთ დიდი გაერთიანების ინტერესებიდან გამომდინარე. „ნაციონალურმა მოძრაობამ” თავისი 2 ოლქი თქვა და სხვა ოლქებში კანდიდატებს ვიხილავთ. ვინც უმჯობესი იქნება, რომ წავიდეს მაჟორიტარულ ოლქში, ის წავა”, - განაცხადა ვაშაძემ.
რაც შეეხება ოპოზიციის მორიგ შეხვედრას, მისი განცხადებით, ჯერჯერობით, არ დაგეგმილა.