პოლიტიკური გაერთიანების „ლელო საქართველოსთვის“ ერთ-ერთი ლიდერის, ბადრი ჯაფარიძის განცხადებით, მაჟორიტარობის კანდიდატად პარტიის ყველა ლიდერის კანდიდატურა განიხილება.
როგორც ჯაფარიძემ ჟურნალისტებს განუცხადა, თუ ვინ რომელ საარჩევნო ოლქში იყრის კენჭს, პოზიციების შეჯერების შემდეგ გახდება ცნობილი.
„როდესაც ჩვენ გვექნება შეჯერებული პოზიცია, თუ ვინ რომელ საარჩევნო ოლქში იყრის კენჭს, ჩვენ აუცილებად ამის შესახებ განვაცხადებთ. პოლიტიკური გაერთიანების „ლელო საქართველოსთვის“ ყველა ლიდერის კანდიდატურა განიხილება, მაჟორიტარულ ოლქებისათვის“, - განაცხადა ბადრი ჯაფარიძემ.