ორი ადამიანი გარდაიცვალა და სამი დაიჭრა ესტონეთის ქალქ ლიხულაში გვიან ღამით ავტოგასამართ სადგურზე სროლების დროს. დაშავებულებს შორის ორი არასრულწლოვანია. ამის შესახებ ადგილობრივი პოლიცია იუწყება. მომხდართან დაკავშირებით, დაკავებულია 32 წლის მამაკაცი, რომლის გამოც ავტოსაგზაო შემთხვევა მოხდა.

ამ შემთხვევის შემდეგ, მან ავტომანქანა მიატოვა და ადგილიდან გაიქცა. მან მოტოციკლისტს ესროლა, რომელიც ჭრილობების შედეგად გარდაიცვალა, ასევე დაცხრილა ავტომანქანა, სადაც ქალი და ორი ბავშვი იჯდა. ქალი გარდაიცვალა, მამაკაცი და ორი ბავშვი კი დაიჭრა, რომლებიც საავადმყოფოში გადაიყვანეს.

ადგილზე მისულ პოლიციას დამნაშავემ ცეცხლი გაუხსნა. თუმცა, ის სამართალდამცველებმა მალევე დააკავეს, რა დროსაც მას პოლიციისთვის წინააღმდეგობა არ გაუწევია. პოლიციის ცნობით, დაკავებულს იარაღის ტარების უფლება გააჩნია. მისი ქმედების მოტივი დგინდება.