ლონდონში საპროტესტი აქციების დროს 12 დემონსტრანტი დააკავეს, დაშავებულია 8 პოლიციელი

დიდი ბრინატეთის ქალაქებში, მათ შორის ლონდონში, ბრისტონში, მანჩესტერში, ვოლვერჰამპტონში, ნოტინგემში, გლაზგოსა და ედინბურგში, ანტირასისტული საპროტესტო აქციები მიმდინარეობს.

BBC-ის ინფორმაციით, ზოგჯერ პროტესტი პოლიციასა და აქციის მონაწილეებს შორის დაპირისპირებაში გადადის. ერთ-ერთი ასეთი დაპირისპირების დროს ლონდონში სამართალდამცავებმა 12 დემონსტრანტი დააკავეს, დაშავებულია 8 პოლიციელი.

აქციის მონაწილეებსა და პოლიციას შორის დაპირისპირება მოხდა ბრისტონშიც, სადაც დემონსტრანტებმა მე-17 საუკუნის მონებით მოვაჭრის ედვარდ კოლსტონის ქანდაკება ჩამოაგდეს.

დიდი ბრიტანეთის პრემიერ-მინისტრი ბორის ჯონსონი საპროტესტო აქციებს სოციალურ ქსელ „ტვიტერში“ გამოეხმაურა და აღნიშნა, რომ ადამიანებს აქვთ მშვიდობიანი პროტესტის და არა პოლიციელებზე თავდასხმის უფლება. მისივე თქმით, დემონსტრაციებს ძალადობრივი ქმედებები ზიანს აყენებს.

„ადამიანებს სოციალური დისტანცირების დაცვით მშვიდობიანი პროტესტის უფლება აქვთ, მაგრამ მათ პოლიციაზე თავდასხმის უფლება არ აქვთ. დემონსტრაციებს ძალადობრივმა ქმედებებმა ზიანი მიაყენა. ყველა ის პირი, რომელიც ამ ქმედებებზეა პასუხისმგებელი, პასუხის აგებს,“ - წერს ბორის ჯონსონი.

ცნობისათვის, აშშ-ში, პოლიციის ძალადობრივი ქმედების შედეგად ფერადკანიანი ჯორჯ ფლოიდის დაღუპვის შემდეგ, ანტი-რასისტული საპროტესტო აქციები არ წყდება. ამერიკელ დემონსტრანტებს სოლიდარობას უცხადებენ და რასიზმსა და პოლიციის ძალადობას აპროტესტებენ მსოფლიოს სხვა ქვეყნებშიც, მათ შორის, დიდ ბრიტანეთში, საფრანგეთში, გერმანიასა და ავსტრალიაში.

იხილეთ ვიდეო:ლონდონში საპროტესტო აქციების დროს 12 დემონსტრანტი დააკავეს, დაშავებულია 8 პოლიციელი

ვიქტორ ყიფიანი - შავი ზღვის რეგიონისადმი დასავლეთის მიდგომა ოპერატიულად გადახედვასა და მისადაგებას საჭიროებს
ქართული პრესის მიმოხილვა 03.07.2020
კახა კუკავა - „თავისუფალი საქართველოს“ გარდა, მთელი პოლიტიკური სპექტრი დაშლილებში აწყობილი პარტიებია - ზოგი „ქოცების“ დაშლილებია, ზოგი „ნაცების“
ყაზახეთის რესპუბლიკის ელჩი საქართველოში - ყაზახეთის მიღწევა: პირველი პრეზიდენტის ნ. ნაზარბაევის როლზე (R)
თიბისი იპოთეკური სესხების სუბსიდირების სახელმწიფო პროგრამაში ერთვება
როგორ ვლინდება ლაქტოზის აუტანლობა და რით შეგვიძლია ჩავანაცვლოთ ცხოველური რძე ბავშვთა კვებაში?
მაკა ასათიანი განცხადებას ავრცელებს
„მზადება ზაფხულისთვის“  (R)
"პროკრედიტ ბანკმა" საკუთარი მზის ელექტროსადგური წარადგინა