რესპუბლიკელი სენატორი მით რომნი აშშ-ში მიმდინარე ანტირასისტულ საპროტესტო აქციებს შეუერთდა.
სენატორმა სოციალურ ქსელში ფოტო ატვირთა, სადაც ჩანს, რომ რომნი, რომელსაც პირბადე უკეთია, საპროტესტო აქციაში მონაწილეობს. ფოტოს თან ახლავს წარწერა : „ფერადკანიანთა სიცოცხლე მნიშვნელოვანია.“
„უნდა მოვძებნოთ გზა ძალადობისა და სისასტიკის დასასრულებლად და იმისთვის, რომ ადამიანებმა გააცნობიერონ : „ფერადკანიანთა სიცოცხლე მნიშვნელოვანია,““- განაცხადა სენატორმა „ვაშინგტონ პოსტის“ ჟურნალისტთან საუბარში.
შეგახსენებთ, აშშ-ში, თითქმის ორი კვირაა საპროტესტო აქციები არ წყდება. პროტესტი ფერადკანიანი მამაკაცის, ჯორჯ ფლოიდის, პოლიციის ძალადობრივი ქმედების შედეგად დაღუპვას მოჰყვა. დემონსტრანტები რასიზმსა და ძალადობას აპროტესტებენ და პოლიციის რეფორმის გატარებას მოითხოვენ.