ვახტანგ ბოჭორიშვილის სახელობის კლინიკის სამეთვალყურეო საბჭოს თავმჯდომარის, მაკა სოლოღაშვილის განცხადებით, კლინიკაში ბოლო სამ დღეში კოვიდინფიცირების ახალი შემთხვევა არ მიუღიათ, გამოჯანმრთელებული კი სამი პაციენტია, მათ შორის ორი მოზარდი.
როგორც სოლოღაშვილმა ჟურნალისტებს განუცხადა, კლინიკაში მძიმე პაციენტი არ ჰყავთ და მხოლოდ ერთ პირის მდგომარეობა არის საყურადღებო.
„ამ ეტაპზე ვახტანგ ბოჭორიშვილის სახელობის კლინიკის ბოქსირებულ სექტორში 50 პაციენტია. 50-დან „კოვიდ 19“-ის დადასტურებული დიაგნოზი აქვს 20-ს, აქედან ოთხი 18 წლამდე მოზარდია. ერთი მოზრდილი პაციენტია საყურადღებო. ახალი პაციენტები არ გვყოლია. 6 პაციენტი ელოდება კვლევაში ჩართვას. მძიმე პაციენტი არ გყავს. ერთი პაციენტია მხოლოდ საყურადღებო. პარასკევის შემდეგ ახალი გამოვლენილი დიაგნოზის შემთხვევა არ გვაქვს. ორი მოზარდი და ერთი მოზრდილი გვყავს ბოლო სამი დღის განმავლობაში გამოჯანმრთელებული“,- განაცხადა სოლოღაშვილმა.