ადვოკატი - პროკურატურა ხელოვნურად ცდილობს პროცესი გააჭიანუროს და გიორგი რურუა საპატიმროში დატოვოს

„მთავარი არხის" ერთ-ერთი მეწილის, გიორგი რურუას ბრალდების სისხლის სამართლის საქმეზე თბილისის საქალაქო სასამართლოში პროცესი მიმდინარეობს.

რურუას ადვოკატის, დიმიტრი საძაგლიშვილის განმარტებით, დღევანდელ სხდომაზე ნივთიერ და წერილობით მტკიცებულებებს გამოიკვლევენ. მისივე თქმით, დღევანდელ პროცესზე ბრალდების მხარის მოწმეები უნდა დაეკითხათ, თუმცა, მოულოდნელად გადაწყვეტილება შეცვალეს.

„მიზეზად დასახელდა, თითქოს, მოწმეებმა სასამართლოში გამოცხადება ვერ მოახერხეს, რაც ჩემთვის დამაჯერებელი არგუმენტი არ არის, იმის გათვალისწინებით, რომ დღეს შსს-ს თანამშრომლები უნდა დაკითხულიყვნენ. საკმარისი საფუძველი არსებობს იმ ეჭვისთვის, რომ პროკურატურა ცდილობს ბოლოში არ გავიდეს საკუთარი მოწმეების დაკითხვაზე, რადგან ერთ-ერთი ფორმალური მიზეზი, რის გამოც რურუა საპატიმროშია, არის ის, თითქოს, შეიძლება მან მოწმეებზე ზემოქმედება მოახდინოს. მას შემდეგ, რაც ბრალდების მხარე მოწმეების დაკითხვა ამოიწურებოდა, დავაყენებდით შუამდგომლობას აღკვეთის ღონისძიების შეცვლის შესახებ. ახლა პროკურატურა ხელოვნურად ცდილობს ეს პროცესი გააჭიანუროს და საპატიმროში დატოვოს", - განაცხადა საძაგლიშვილმა.

საძაგლიშვილის განმარტებით, თორაძეების საქმესთან დაკავშირებით მათ ოფიციალურად არავინ დაკავშირებია და „ერთადერთი საქმე, რომელთან დაკავშირებითაც სახელმწიფოს კითხვები გააჩნია, ეს არის „ჩადებული" ცეცხლსასროლი იარაღი, რის გამოც რურუა საპატიმროში იმყოფება".

იხილეთ ვიდეო:ადვოკატი - პროკურატურა ხელოვნურად ცდილობს პროცესი გააჭიანუროს და გიორგი რურუა საპატიმროში დატოვოს

ხათუნა ლაგაზიძე - ვინც აირჩიეს, ის წავიდა და ვინც დარჩა, ისინი არ აურჩევიათ, პარლამენტის არალეგიტიმურობას პარლამენტში მარტო ოპოზიციის არარსებობა არ ქმნის
ქართული პრესის მიმოხილვა 15.01.2021
პაატა ცაგარეიშვილი  - საქართველოს სატრანზიტო შესაძლებლობები იმ შემთხვევაში აღმოჩნდება საფრთხის ქვეშ, თუ სომხეთი ახლო მომავალში შეძლებს გახდეს სატრანზიტო ქვეყანა
სოციალური ბარათის პინ კოდის მოქმედების ვადა 15 აპრილამდე გაგრძელდა
ინექსკრედიტი - ახალი პროდუქტი ინტელიექსპრესისგან, ქართველი ემიგრანტებისა და მათი ოჯახის წევრებისთვის
ორამინ-F - საკვები დანამატი, რომელიც ორგანიზმს მატებს სასიცოცხლო ენერგიასა და ტონუსს
ტერაბანკი ბიზნესკლიენტების დასახმარებლად
2021 წლის საოცარი დასაწყისი! Samsung Galaxy S21 |S21+ | S21 Ultra წინასწარი შეკვეთა დაიწყო