მექსიკის სოციალური უსაფრთხოების ინსტიტუტის დირექტორს ზოი რობლედოს კორონავირუსი დაუდასტურდა, - ამის შესახებ ინფორმაციას CNN-ი ავრცელებს.

ტელეკომპანიის ცნობით, დაინფიცირებულმა მაღალჩინოსანმა ორი დღის წინ ქვეყნის პრეზიდენტთან, ანდრეს მანუელ ლოპეს ობრადორთან ერთად პრეს-კონფერენცია გამართა.

კონფერენციას ქვეყნის თავდაცვის, სამხედრო-საზღვაო და უსაფრთხოებისა და სამოქალაქო დაცვის მინისტრებიც ესწრებოდნენ.

მედიის ინფორმაციით, პირბადე არცერთ მათგანს არ ეკეთა.

ცნობისათვის, ბოლო მონაცემებით, მექსიკაში კორონავირუსის 117 103 შემთხვევაა დადასტურებული, დაღუპულია 13 699 ადამიანი.