საპარლამენტო არჩევნებზე, „ნაციონალური მოძრაობის“ მაჟორიტარი დეპუტატობის ერთ-ერთი კანდიდატი ზაალ უდუმაშვილი იქნება

საპარლამენტო არჩევნებზე, „ნაციონალური მოძრაობის“ მაჟორიტარი დეპუტატობის ერთ-ერთი კანდიდატი ზაალ უდუმაშვილი იქნება.

„ინტერპრესნიუსის“ ინფორმაციით, პარტიას უდუმაშვილის კანდიდატურაზე გადაწყვეტილება უკვე მიღებული აქვს.

თავად ზაალ უდუმაშვილი „ინტერპრესნიუსთან“ საუბრისას მისი შესაძლო მაჟორიტარი კანდიდატობის შესახებ ინფორმაციას ადასტურებს, თუმცა, ამბობს, რომ ჯერჯერობით არ არის გადაწყვეტილება მიღებული, კენჭს რომელ ოლქში იყრის.

„ჩვენ დავიწყეთ კონსულტაციები და გარკვეული გვარების მონახაზი უკვე არის. თუმცა, კონკრეტულად ვერ ვიტყვი, რომელ ოლქში ვინ იქნება კანდიდატი. ზოგადად, მაჟორიტარულ ოლქებში, რომელიც „ნაციონალურ მოძრაობაში“ მოიაზრება, ერთ-ერთი ჩემი კანდიდატურაც არის, მაგრამ კონკრეტულად სად, თბილისში თუ რეგიონში, ამაზე გადაწყვეტილი არაფერია და დრო დასჭირდება. ალბათ, უახლოეს დღეებში ჩამოვყალიბდებით და საზოგადოებასაც ვაცნობებთ.

ჩვენ ვთქვით, რომ თბილისში ვიტოვებთ ორ მაჟორიტარულ ოლქს, შესაბამისად, ჩვენ ამ წუთებში საუბარი მხოლოდ ამ ორ მაჟორიტარულ ოლქზე გვაქვს“, - განაცხადა უდუმაშვილმა.

„ინტერპრესნიუსის“ ინფორმაციით, „ნაციონალური მოძრაობაში“ ზაალ უდუმაშვილის კანდიდატურას სამგორის მაჟორიტარულ ოლქში განიხილავენ.

ცნობისთვის, „ნაციონალურმა მოძრაობამ” თბილისის 8 მაჟორიტარული ოლქიდან 6 ოლქი დათმო. პარტიას მაჟორიტარი კანდიდატები მხოლოდ ორ რაიონში - გლდანსა და სამგორში ეყოლება.

ზაზა ფირალიშვილი - არ ჩანს დიდი იდეა, არ ჩანან პოლიტიკური აქტორები, რომლებიც თავისი გადამდები ენთუზიაზმით და ენერგიით „აამოძრავებდნენ“ საზოგადოებას
თორნიკე ჯანაშვილი - “რეფორმერი" პოლიტიკაში მოდის
ქართული პრესის მიმოხილვა 14.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ტერაბანკის ინოვაციური ბოტის საკომუნიკაციო კამპანიამ საერთაშორისო აღიარება მოიპოვა