ოპოზიცია მაჟორიტარობის საერთო კანდიდატებზე შეჯერდება თუ ვერა, ამას ჩვენთვის განსაკუთრებული მნიშვნელობა არ აქვს, - ამის შესახებ პარლამენტის ვიცე-სპიკერმა გიორგი კახიანმა ჟურნალისტებს განუცხადა.

მისი თქმით, არჩევნებში, ნებისმიერ შემთხვევაში, „ქართული ოცნება" გაიმარჯვებს.

„დღეს რასაც ვხედავთ, არის ის, რომ ვერ იყოფენ მაჟორიტარულ თანამდებობებს და მათი მხრიდან კანდიდატებთან დაკავშირებით გვესმის განსხვავებული მოსაზრებები. ისინი შეჯერდებიან საერთო კანდიდატებზე თუ ვერ შეჯერდებიან, ამას ჩვენთვის განსაკუთრებული მნიშვნელობა არ აქვს. ერთ შემთხვევაშიც და მეორეშიც არჩევნებში „ქართული ოცნება" გაიმარჯვებს“, - განაცხადა კახიანმა.