ირაკლი ბერაია ტომ ტუგენდჰატს კორონავირუსთან დაკავშირებით ტელეფონით ესაუბრა

საგარეო ურთიერთობათა კომიტეტის თავმჯდომარეს, ირაკლი ბერაიას დიდი ბრიტანეთისა და ჩრდილოეთ ირლანდიის გაერთიანებული სამეფოს პარლამენტის თემთა პალატის საგარეო ურთიერთობათა კომიტეტის თავმჯდომარესთან, ტომ ტუგენდჰატთან სატელეფონო საუბარი ჰქონდა. როგორც „ინტერპრესნიუსს“ საქართველოს პარლამენტიდან აცნობეს, მხარეებმა, საქართველოსა და ბრიტანეთში არსებული ეპიდემიოლოგიური ვითარება და პანდემიის საპასუხოდ გატარებული ღონისძიებები განიხილეს.

მათივე ცნობით, მხარეებმა ისაუბრეს ორ ქვეყანას შორის სტრატეგიული პარტნიორობის ძირითად მიმართულებებზე, მათი გაღრმავების პერსპექტივებზე და მნიშვნელობაზე, განსაკუთრებით პოსტკრიზისულ პერიოდში.

„საუბრისას, მნიშვნელოვანი ყურადღება გამახვილდა საქართველოს ოკუპირებულ რეგიონებში უსაფრთხოებისა და ჰუმანიტარული თვალსაზრისით არსებულ ვითარებაზე, რუსეთის უკანონო ქმედებებსა და ოკუპანტი სახელმწიფოდან მომდინარე ჰიბრიდულ საფრთხეებზე მათ შორის, საქართველოს წინააღმდეგ რუსულ დეზინფორმაციულ კამპანიაზე.

ირაკლი ბერაიამ ხაზგასმით აღნიშნა, რომ აუცილებელია საერთაშორისო საზოგადოების ძალისხმევის შემდგომი კონსოლიდაცია და რუსეთზე ზეწოლის გაზრდა, აგრესორი სახელმწიფოს მიერ ნაკისრი ვალდებულებების შესრულების მიზნით.

საუბრისას, ევრო-ატლანტიკური ინტეგრაციის პროცესში საქართველოს მიერ მიღწეული პროგრესი, ევროატლანტიკური სივრცის უსაფრთხოების უზრუნველყოფაში ჩვენი ქვეყნის ჩართულობა, ხელისუფლების მიერ გატარებული ამბიციური დემოკრატიული რეფორმები აღინიშნა. ყურადღება ასევე გამახვილდა ქვეყანაში მოახლოებული საპარლამენტო არჩევნებზე“, - აღნიშნულია ინფორმაციაში.

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
ქართული პრესის მიმოხილვა 10.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ