"ლელო საქართველოსთვის" ისნის რაიონული ორგანიზაციის წარმომადგენლებმა ამომრჩეველთან შეხვედრა გამართეს

"ლელო საქართველოსთვის" ისნის რაიონულმა ორგანიზაციამ მსვლელობა მოაწყო და რაიონის მასშტაბით ამომრჩეველს შეხვდა.

როგორც პოლიტიკურ მოძრაობაში „ლელო საქართველოსთვის“ აცხადებენ, მსვლელობა დილის 10:30-ზე ავლაბრის მეტროს მიმდებარედ დაიწყო და ქ.წამებულის ქუჩის მიმართულებით გაგრძელდა. შეხვედრას „ლელოს“ ლიდერები და წევრები ესწრებოდნენ. მათ ადგილობრივ მოსახლეობას „ლელო საქართველოსთვის" გეგმები და სამომავლო ხედვები გააცნეს. ასევე, მიაწოდეს ინფორმაცია 9 ივნისს ისნის რაიონში ორგანიზაციის ოფისის ოფიციალური გახსნის შესახებ, რომელსაც პარტიის თავმჯდომარე მამუკა ხაზარაძე და სხვა ლიდერები დაესწრებიან.

"ლელო საქართველოსთვის" სარევიზიო კომისიის წევრის, ლანა გალდავას განცხადებით, დღეს პარტიამ ისნის რაიონული ოფისის გახსნის წინა მსვლელობა მოაწყო.

"დღეს პოლიტიკური გაერთიანება, “ლელო საქართველოსთვის” ისნის რაიონული ორგანიზაციის წარმომადგენლებს მსვლელობა გვქონდა მეტროსადგურ "ავლაბრის" და "ისნის" მიმდებარე ტერიტორიაზე, სადაც შევხვდით ადგილობრივ მოსახლეობას, გავეცანით მათ პრობლემებს და ჩვენც, ჩვენი მხრივ, გავაცანით „ლელოს“ ხედვები. ასევე, დავაანონსეთ, რომ ხვალ, 9 ივნისს დაგეგმილია პარტიის ლიდერების შეხვედრა მეტროსადგურ "ისნის" მიმდებარედ, სკვერში, სადაც შევხვდებით ადგილობრივ მოსახლეობას და ოფიციალურად გაიხსნება პარტიის ისნის რაიონული ოფისი“, - განაცხადა ლანა გალდავამ.

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
ქართული პრესის მიმოხილვა 10.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ