ირაკლი ღარიბაშვილი - შეგვიძლია, „სუ-25“-ების აღდგენა, გამოშვება, წარმოება და გაყიდვა, მსოფლიოში არაერთი კონფლიქტია და ქვეყნები ამ ტიპის თვითმფრინავებზე მაღალ ინტერესს აცხადებენ

აბსოლუტურად ყველა რესურსი გვაქვს, ტექნიკური, ინტელექტუალური, თუ ადამიანური, რომ ჩვენ თვითონ, ჩვენი ძალებით შეგვიძლია „სუ 25“-ების აღდგენა, გამოშვება, ახლების წარმოება და ამის შემდეგ გაყიდვა , - ამის შესახებ თავდაცვის მინისტრმა ირაკლი ღარიბაშვილმა „პალიტრანიუსის“ გადაცემა "360 გრადუსში“ განაცხადა.

როგორც ღარიბაშვილმა განმარტა, გარდა იმისა, რომ „სუ 25“ ჩვენმა ქვეყანამ უბრალოდ თავდაცვის მიზნებისთვის გამოიყენოს, ასევე შეიძლება, ეს კომერციული პროექტი გახდეს.

„ჩემი ერთ-ერთი მთავარი გულისტკივილი ავიაციაა, რომელზეც მოსვლის დღიდან დავიწყე მუშაობა. შტაბთან ერთად ჩამოვყალიბდით შემდეგ გეგმაზე - ჩვენს საკუთრებაში უამრავი ექსპლუატაციიდან გამოსული საფრენი აპარატი არსებობს, თვითმფრინავები, ვერტმფრენები, რომლებიც საჭიროებენ გარემონტებას. ჩვენ ეს ყველაფერი შგვიძლია ჩვენივე ქარხნით - „თბილავიამშენით“ და „დელტათი“ ერთად გავაკეთოთ. მოგეხსენებათ, „დელტას“ დირექტორი ამავდროულად „თბილავიამშენის“ დირექტორად დავნიშნეთ და ჩვენ უკვე ამ მიმართულებით მთელი ქარხნის დალაგება დავიწყეთ. მიმართულება გავყავით: ერთი იქნება თავდაცვის სამინისტროს მიმართულება და მეორე იქნება სამოქალაქო და ზოგადად კომერციული პროექტები, არ გამოვრიცხავთ ასევე სხვა კერძო სუბიექტებთან, სხვა კერძო კომპანიებთან თანამშრომლობას.

ჩემი დანიშვნის დღეს ვთქვი და ბევრისთვის გახდა საქილიკო და ვერ გაიგეს, რომ „სუ25“-ის აღდგენაზე რომ იყო საუბარი. ჩვენ დღეს გვაქვს აბსოლუტურად ყველა რესურსი, ტექნიკური, ინტელექტუალური, თუ ადამიანური, რომ ჩვენ თვითონ, ჩვენი ძალებით შევძლოთ გარემონტება, მე არ ვგულისხმობ იმას, რომ უნდა შევიძინოთ გასარემონტებელი ნაწილები. შეგვიძლია, ყველაფრის გარემონტება, „სუ 25“-ების აღდგენა, გამოშვება, ახლების წარმოება და ამის შემდეგ გაყიდვა. მოგეხსენებათ, მსოფლიოში არაერთი კონფლიქტი მიმდინარეობს და ქვეყნები თავდაცვის მიზნით ამ ტიპის თვითმფრინავებზე მაღალ ინტერესს აცხადებენ. ვფიქრობ, გარდა იმისა, რომ ეს ჩვენმა ქვეყანამ შეიძლება, გამოიყენოს უბრალოდ თავდაცვის მიზნებისთვის, ასევე შეიძლება ეს სუფთა კომერციული პროექტი გახდეს“, - განაცხადა ღარიბაშვილმა.

ზაზა ფირალიშვილი - არ ჩანს დიდი იდეა, არ ჩანან პოლიტიკური აქტორები, რომლებიც თავისი გადამდები ენთუზიაზმით და ენერგიით „აამოძრავებდნენ“ საზოგადოებას
ქართული პრესის მიმოხილვა 15.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ტერაბანკის ინოვაციური ბოტის საკომუნიკაციო კამპანიამ საერთაშორისო აღიარება მოიპოვა
ჰიუნდაი ავტო საქართველომ სონატას ახალი მე-8 თაობის მოდელი წარადგინა
სასტუმრო „ბილტმორ თბილისის“ სპა ცენტრი განახლებული შეთავაზებებით ჩვეულ რეჟიმს უბრუნდება