ჯანმო-ს წარმომადგენელი - რუსეთი კორონავირუსის შემთხვევების ზრდისთვის უნდა მოემზადოს

რუსეთის ჯანდაცვის სისტემა კორონავირუსის შემთხვევების ზრდისთვის უნდა მოემზადოს, - ამის შესახებ რუსეთში ჯანდაცვის მსოფლიო ორგანიზაციის წარმომადგენელმა, მელიტა ვუინოვიჩმა სააგენტო „ტასს“ განუცხადა.

„აუცილებელია ეფექტური ზომების დაცვა და კარანტინის რეჟიმის გაუქმების შემდეგ შემთხვევების იდენტიფიცირება და იზოლაცია, კონტაქტების მოძიება და საეჭვო შემთხვევების იზოლაცია, სამედიცინო პერსონალის დაინფიცირებისგან დაცვა. გარდა ამისა, საზოგადოებრივი ჯანდაცვის სისტემა ფხიზლად და მზად უნდა იყოს იმითვის, რომ ორმაგ პრობლემას გაუმკლავდეს : უზრუნველყოს საბაზისო სამედიცინო სერვისებზე წვდომა და სწრაფად უპასუხოს დაავადების გავრცელების შესაძლო ზრდას,“- განაცხადა ჯანმო-ს წარმომადგენელმა.

მისივე თქმით, კორონავირუსით დაინფიცირების შემთხვევების ზრდის თავიდან ასაცილებლად აუცილებელია ჰიგიენური წესების დაცვა და პირბადეების ტარება.

„ახალი ნორმები ჩვენი რეალობა ხდება,“- აღნიშნა მელიტა ვუინოვიჩმა.

შეგახსენებთ, დღეიდან მოსკოვში, რომელიც რუსეთში კორონავირუსის ეპიდემიის გავრცელების ეპიცენტრია, შეზღუდვების მოხსნა იწყება.

ზაზა ფირალიშვილი - არ ჩანს დიდი იდეა, არ ჩანან პოლიტიკური აქტორები, რომლებიც თავისი გადამდები ენთუზიაზმით და ენერგიით „აამოძრავებდნენ“ საზოგადოებას
თორნიკე ჯანაშვილი - “რეფორმერი" პოლიტიკაში მოდის
ქართული პრესის მიმოხილვა 14.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ტერაბანკის ინოვაციური ბოტის საკომუნიკაციო კამპანიამ საერთაშორისო აღიარება მოიპოვა