ვლადიმირ ზელენსკი - მსურდა, კორონავირუსით დავინფიცირებულიყავი, რათა ხალხისთვის მეჩვენებინა, რომ ეს ჭირი არ არის

უკრაინის პრეზიდენტი, ვლადიმირ ზელენსკი აცხადებს, რომ მას სურდა, კორონავირუსით დაინიფიცრებულიყო, რათა ხალხის მდგომარეობა შემსუბუქებულიყო.

მისივე თქმით, დაავადების არ ეშინია და სურდა ეს ეტაპი თავის თავზე გამოეცადა.

„ჩემს თავზე მინდოდა გამომეცადა ეს ეტაპი, რათა ხალხის მდგომარეობა შემსუბუქებულიყო. როდესაც ჩვენ გვქონდა დეპრესიის პერიოდი, შევიკრიბეთ და მე ჩვენებს შევთავაზე: მოდი, მე გავხდები ავად და ჩემი იზოლაცია მოხდება და ამას ნორმალურად გადავიტან. ეს იმისთვის მსურდა, რათა ხალხს გაეგო, რომ ყველა შეიძლებოდა ავად გამხდარიყო, ისინი დეპრესიაში არ ჩავარდნილიყვნენ და მეჩვენებინა, რომ ეს ჭირი არ იყო,“ – განაცხადა ვლადიმირ ზელენსკიმ.

თუმცა, უკრაინის პრეზიდენტის თქმით, შემდეგ მან გადაწყვიტა, რომ ეს „ზედმეტი“ იყო.

„ოჯახი არ მაპატიებდა. იტყოდნენ, რომ მე სულელი ვარ და პრინციპში, მართალიც იქნებოდნენ“, – განაცხადა ვლადიმირ ზელენსკიმ.

ცნობისათვის, ბოლო მონაცემებით უკრაინაში კორონავირუსის 27 462 შემთხვევაა დადასტურებული, აქედან 797 ადამიანი გარდაიცვალა.

გიორგი ანთაძე - საქართველო ვაშინგტონისა და თავისუფალი სამყაროს მთავარი სტრატეგიული პარტნიორია სამხრეთ კავკასიაში და ჩვენ ეს როლი და ფუნქცია ბოლომდე უნდა ავითვისოთ
ქართული პრესის მიმოხილვა 27.01.2021
ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
JTI-ს საუკეთესო დამსაქმებლის ჯილდო გადაეცა
სადაზღვევო კომპანია "ევროინს ჯორჯიას" დამფუძნებელი კომპანია Eurohold, ბულგარეთში ელექტროენერგიის უდიდესი მომწოდებელი კომპანიის მფლობელი გახდა