აზერბაიჯანში, ბოლო დღე-ღამის განმავლობაში, კორონავირუსის კიდევ 315 ახალი შემთხვევა გამოვლინდა.
მინისტრთა კაბინეტთან არსებული ოპერატიული შტაბის ინფორმაციით, ბოლო 24 საათში ვირუსს კიდევ 5 პაციენტი ემსხვერპლა, 229 ადამიანი კი განიკურნა.
ამჟამად, აზერბაიჯანში კორონავირუსის დადასტურებული შემთხვევების რიცხვი 8 191-ს შეადგენს. მათგან 4 606 დაავადებული განიკურნა, 98 პაციენტის სიცოცხლე კი ლეტალურად დასრულდა. ამ დროისთვის ქვეყანაში აქტიური შემთხვევების რაოდენობა 3 500-მდეა.