სომხეთის პრემიერ-მინისტრი ნიკოლ ფაშინიანი მიიჩნევს, რომ საგანგებო მდგომარეობა გაგრძელდება.
„არსებობს საგანგებო მდგომარეობის ვადების გაგრძელების ალბათობა და ეს ალბათობა საკმაოდ მაღალია. ვფიქრობ, რომ ეს მდგომარეობა გაგრძელდება“, - განაცხადა ფაშინიანმა.
სომხეთში საგანგებო მდგომარეობა 16 მარტს გამოცხადდა, რომელიც 13 ივნისამდე მოქმედებს. 9 ივნისის მონაცემებით, ქვეყანაში კოვიდინფექცია 13 675 ადამიანს გამოუვლინდა. 4 451 გამოჯანმრთელდა, 217 გარდაიცვალა.
დღესვე ცნობილი გახდა, რომ 1-ელ ივლისამდე საგანგებო მდგომარეობა გაახანგრძლივა აზერბაიჯანმაც.