ნიგერიაში რადიკალური დაჯგუფება „ბოკო ჰარამის“ შეიარაღებული წევრების თავდასხმას 69 ადამიანის სიცოცხლე ემსხვერპლა, - ამის შესახებ ინფორმაციას „როიტერსი“ ავრცელებს.
სააგენტოს ცნობით, თავდასხმა სოფელ ფადუმა კოლორამში, ბორნოს შტატში მოხდა. თავდამსხმელები სოფელში ავტომობილებითა და მოტოციკლებით შეიჭრნენ, ათობით ადამიანი დახოცეს და მსხვილფეხა რქოსანი პირუტყვი და აქლემები გაიტაცეს.
ცნობისათვის, „ბოკო ჰარამსა“ და მის განშტოებას - „ისლამური სახელმწიფოს დასავლეთ აფრიკის პროვინციას“ - ჩრდილოეთ-აღმოსავლეთ ნიგერიაში ათასობით ადამიანი ჰყავთ დახოცილი, მილიონობით მოქალაქე კი იძულებული გახდა, საკუთარი საცხოვრებელი ადგილი დაეტოვებინა.