პერუში ბოლო 24 საათში კორონავირუსის 4 040 შემთხვევა დადასტურდა და დაინფიცირებულთა საერთო რაოდენობამ 203 736-ს მიაღწია, - ამის შესახებ ინფორმაციას ქვეყნის ჯანდაცვის სამინისტრო ავრცელებს.
მათივე ინფორმაციით, პერუში კოვიდ 19-ს კიდევ 167 ადამიანის სიცოცხლე ემსხვერპლა და დაღუპულთა რიცხვი 5 738-მდე გაიზარდა.
ცნობისთვის, პერუმ დაინფიცირებულთა რაოდენობით მსოფლიოში მე-8 ადგილზე გადაინაცვლა აშშ-ის, ბრაზილიის, რუსეთის, გაერთიანებული სამეფოს, ესპანეთის, ინდოეთისა და იტალიის შემდეგ.
გლობალური სტატისტიკის თანახმად, ბოლო პერიოდში კორონავირუსის შემთხვევები ყველაზე სწრაფად ლათინური ამერიკის ქვეყნებში მატულობს.