„საქართველოს გაზის ტრანსპორტირების კომპანია“ მაშავერას გგს-ის პროფილაქტიკურ სამუშაოებს განახორციელებს. როგორც „ინტერპრესნიუსს“ „საქართველოს გაზის ტრანსპორტირების კომპანიიდან” აცნობეს, აღნიშნული გარემოების გათვალისწინებით, მიმდინარე წლის 12 ივნისის ბუნებრივი გაზის მიწოდება, დმანისის მუნიციპალიტეტის სოფლებს დროებით შეუწყდება.

„შპს „საქართველოს გაზის ტრანსპორტირების კომპანია” მიმდინარე წლის 12 ივნისს მაშავერას გაზგამანაწილებელი სადგურის პროფილაქტიკურ სამუშაოებს განახორციელებს. აღნიშნული გარემოების გათვალისწინებით, მიმდინარე წლის 12 ივნისის 11:00დან 17:00 საათამდე ბუნებრივი გაზის მიწოდება შეუწყდება დმანისის მუნიციპალიტეტის სოფლებს: მაშავერას, დიდ დმანისს, პატარა დმანისსა და ვარდისუბანს. შპს „საქართველოს გაზის ტრანსპორტირების კომპანია” სისტემატურად ახორციელებს გაზსადენებისა და გაზგამანაწილებელი სადგურების სარემონტო-სარეაბილიტაციო სამუშაოებს, რაც უზრუნველყოფს მომხმარებლების უსაფრთხო, საიმედო და უწყვეტ გაზმომარაგებას“, - ნათქვამია ინფორმაციაში.