ნავთობპროდუქტების იმპორტიორთა კავშირის ინფორმაციით, მაისში საცხებ-საპოხი მასალების იმპორტი მნიშვნელოვნად გაიზარდა

ნავთობპროდუქტების იმპორტიორთა კავშირის განცხადებით, მაისში საცხებ-საპოხი მასალების იმპორტი მნიშვნელოვნად გაიზარდა. კერძოდ, 2020 წლის მაისის თვეში საქართველოში საცხებ-საპოხი მასალების იმპორტმა შეადგინა 1,06 ათასი ტონა, რაც 0,29 ათასი ტონით ანუ 37,7%-ით მეტია აპრილის თვის მაჩვენებელთან (0,77 ათასი ტონა) შედარებით და 0,73 ათასი ტონით ანუ 40,8%-ით ნაკლებია გასული წლის ანალოგიური პერიოდის მაჩვენებელთან (1,79 ათასი ტონა) შედარებით.

„ქვეყნების მიხედვით, მ/წლის მაისის თვეში საცხებ-საპოხი მასალების იმპორტის ყველაზე დიდი მოცულობა განხორციელდა ირანიდან - 0,26 ათასი ტონა, რაც მთელი იმპორტის 24,5%-ს შეადგენს. შემდეგ მოდიან: თურქეთი - 0,14 ათასი ტონა (13,2%), აზერბაიჯანი - 0,13 ათასი ტონა (12,3%) რუსეთი - 0,12 ათასი ტონა (11,3%), გერმანია - 0,06 ათასი ტონა (5,7%) და სხვ. მიმდინარე წლის იანვარ-მაისის თვეების განმავლობაში საცხებ-საპოხი მასალების იმპორტმა შეადგინა 6,07 ათასი ტონა, რაც 1,49 ათასი ტონით ანუ 19,7%-ით ნაკლებია გასული წლის ანალოგიური პერიოდის მაჩვენებელთან (7,56 ათასი ტონა) შედარებით. იანვარ-მაისის თვეების განმავლობაში საცხებ-საპოხი მასალების ყველაზე დიდი მოცულობა განხორციელდა თურქეთიდან - 1,11 ათასი ტონა, რაც მთელი იმპორტის 18,3%-ს შეადგენს. შემდეგ მოდიან: ირანი - 0,92 ათასი ტონა (15,1%), რუსეთი - 0,80 ათასი ტონა (13,2%), გერმანია - 0,60 ათასი ტონა (9,9%) და სხვ,”,-აღნიშნულია ნავთობპროდუქტების იმპორტიორთა კავშირის მიერ გავრცელებულ ინფორმაციაში.

გიორგი ანთაძე - საქართველო ვაშინგტონისა და თავისუფალი სამყაროს მთავარი სტრატეგიული პარტნიორია სამხრეთ კავკასიაში და ჩვენ ეს როლი და ფუნქცია ბოლომდე უნდა ავითვისოთ
ქართული პრესის მიმოხილვა 27.01.2021
ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
JTI-ს საუკეთესო დამსაქმებლის ჯილდო გადაეცა
სადაზღვევო კომპანია "ევროინს ჯორჯიას" დამფუძნებელი კომპანია Eurohold, ბულგარეთში ელექტროენერგიის უდიდესი მომწოდებელი კომპანიის მფლობელი გახდა