ამერიკას წლების განმავლობაში ჰქონდა ირანის კისერზე მუხლი დაჭერილი, თუმცა ჩვენმა ხალხმა ეს მუხლი გადატეხა, - ამის შესახებ ირანის პრეზიდენტმა ჰასან რუჰანმა მინისტრთა კაბინეტის წევრებთან შეხვედრის დროს განაცხადა.
“ერთიანობის წყალობით ჩვენმა ძვირფასმა ერმა ამ მუხლის გადატეხვა შეძლო და მათ აღარ აქვთ ირანელ ხალხზე დასაჭერი მუხლი“, - განაცხადა ირანის პრეზიდენტმა.
მისივე თქმით, აშშ-ის პრეზიდენტების ადმინისტრაციები სანდოობით არ სარგებლობენ, თუმცა ტრამპის ადმინისტრაცია „კიდევ უფრო არასაიმედოა“ და მან „ყველა საერთაშორისო კანონი და ნორმა დაარღვია.“