რუსთაველის ფონდი ჩინეთის სოციალური მეცნიერების აკადემიის ორგანიზებულ გლობალურ ფორუმში ჩაერთო

10 ივნისს, შოთა რუსთაველის საქართველოს ეროვნული სამეცნიერო ფონდის გენერალურმა დირექტორმა ზვიად გაბისონიამ მონაწილეობა მიიღო ჩინეთის სოციალური მეცნიერების აკადემიის (CASS) მიერ ორგანიზებულ გლობალურ ფორუმში. ამის შესახებ „ინტერპრესნიუსს“ შოთა რუსთაველის საქართველოს ეროვნული სამეცნიერო ფონდიდან აცნობეს. მათი ინფორმაციით, ფორუმში საქართველოს მხრიდან ასევე მონაწილეობდა ჩინეთის კვლევების სამეცნიერო - კვლევითი ინსტიტუტის გენერალური დირექტორი ჯემალ ფუტკარაძე და თბილისის ღია უნივერსიტეტის რექტორი გიორგი ამილახვარი.

„შეხვედრის დასკვნითი ნაწილი წარიმართა პანელური დისკუსიის ფორმატში. ფონდის გენერალურმა დირექტორმა ზვიად გაბისონიამ სამუშაო პანელის - ,,Public Health - A New Priority to Global Governance" ფარგლებში გამართულ დისკუსიაზე, სიტყვით მიმართა დამსწრე საზოგადოებას და მიმოიხილა საქართველოში ვირუსის გავრცელებასთან დაკავშირებული გამოწვევები, სამთავრობო რეგულაციები და განათლებისა და მეცნიერების მიმართულებით მომუშავე ორგანიზაციების მუშაობა და ამ პროცესში სხვადასხვა ონლაინ პლატფორმების გამოყენების საკითხი. ამასთან, ზვიად გაბისონიამ ფორუმში მონაწილე სამეცნიერო ორგანიზაციების წარმომადგენლებთან ისაუბრა სამომავლო თანამშრომლობის პერსპექტივებზე. ზვიად გაბისონიამ აღნიშნა საქართველოში ჩინეთის სახალხო რესპუბლიკის სრულუფლებიან ელჩთან ლი იანთან წარმოებული აქტიური კომუნიკაცია და გამოთქვა სრული მზადყოფნა, რათა უახლოეს მომავალში საქართველოსა და ჩინეთს შორის, ისტორიაში პირველად ჩამოყალიბდეს თანამშრომლობა მეცნიერებისა და კვლევის მიმართულებით. აღნიშნული ფორუმის მიზანია მსოფლიოში COVID - 19 პანდემიის გავრცელებასთან დაკავშრებით გლობალური თანამშრომლობის გაძლიერება და როგორც ამ მიმართულებით თანამედროვე გამოწვევების განხილვა, ასევე პოსტ - COVID - 19 პერიოდში შესაბამისი პოლიტიკისა და ღონიძიებების მიმოხილვა. ფორუმი ჩატარდა დისტანციურ ფორმატში, რომელმაც უმასპინძლა მსოფლიოს წამყვან კვლევითი ინსტიტუტების ხელმძღვანელებს, ასევე სამეცნიერო პოლიტიკის მიმართულებით მოღვაწე ექსპერტებსა და ორგანიზაციების წარმომადგენლებს“,-აღნიშნულია ინფორმაციაში.

ხათუნა ლაგაზიძე - ვინც აირჩიეს, ის წავიდა და ვინც დარჩა, ისინი არ აურჩევიათ, პარლამენტის არალეგიტიმურობას პარლამენტში მარტო ოპოზიციის არარსებობა არ ქმნის
ქართული პრესის მიმოხილვა 15.01.2021
პაატა ცაგარეიშვილი  - საქართველოს სატრანზიტო შესაძლებლობები იმ შემთხვევაში აღმოჩნდება საფრთხის ქვეშ, თუ სომხეთი ახლო მომავალში შეძლებს გახდეს სატრანზიტო ქვეყანა
სოციალური ბარათის პინ კოდის მოქმედების ვადა 15 აპრილამდე გაგრძელდა
ინექსკრედიტი - ახალი პროდუქტი ინტელიექსპრესისგან, ქართველი ემიგრანტებისა და მათი ოჯახის წევრებისთვის
ორამინ-F - საკვები დანამატი, რომელიც ორგანიზმს მატებს სასიცოცხლო ენერგიასა და ტონუსს
ტერაბანკი ბიზნესკლიენტების დასახმარებლად
2021 წლის საოცარი დასაწყისი! Samsung Galaxy S21 |S21+ | S21 Ultra წინასწარი შეკვეთა დაიწყო