ირაკლი შოთაძე პროკურატურის სტაჟიორებს შეხვდა

გენერალური პროკურორი ირაკლი შოთაძე მოადგილეებთან ერთად პროკურატურის სტაჟიორებს შეხვდა, რომლებიც როტაციის საფუძველზე სტაჟირებას ხვალიდან ახალ სამუშაო ადგილებზე გააგრძელებენ. ამის შესახებ „ინმტერპრესნიუსს“ გენერალური პროკურატურიდან აცნობეს.

უწყების ცნობით, ირაკლი შოთაძემ შეხვედრაზე პროკურატურის სისტემისთვის სტაჟირების პროგრამის მნიშვნელობაზე ისაუბრა. მისი თქმით, სწორედ სტაჟირების გზით ხდება პროკურატურის სისტემის ახალგაზრდა პროფესიონალი კადრებით შევსება.

„პირადად მე სტაჟირებით ვარ მოსული პროკურატურაში, ისევე როგორც ჩემი მოადგილეები. თქვენ უნდა იყოთ მაქსიმალურად აქტიურები, მომთხოვნები როგორც საკუთარი თავის, ასევე მენტორების, თქვენი მენეჯერების, თითოეული ჩვენგანის მიმართ. ასევე მინდა ხაზგასმით აღვნიშნო, რომ თითოეული თქვენგანის მონდომებაზეა დამოკიდებული სტაჟირების წარმატებით დასრულება, რაც შემდგომში ხელს შეგიწყობთ იყოთ ღირსეული პროკურორები და გამომძიებლები“ - განაცხადა ირაკლი შოთაძემ.

შეხვედრაზე გენერალურმა პროკურორმა სტაჟიორებს სთხოვა გამოეთქვათ მოსაზრებები იმ მნიშვნელოვან საკითხებთან დაკავშირებით, რაც მათი აზრით მეტად ეფექტიანს გახდის სტაჟირების პროცესს.

„მივიღეთ უდიდესი გამოცდილება, რამაც პროფესიულად მეტად გაგვზარდა. ჩვენი თეორიული ცოდნის პრაქტიკაში რეალიზება შევძელით“, - განცხადა შეხვედრის დასრულების შემდეგ სტაჟიორ-პროკურორმა მარი მეშველიანმა.

სტაჟიორ-პროკურორის დავით ჯავახიშვილის თქმით, სტაჟირების პროგრამამ, მათ შესაძლებლობა მისცა თეორიული ცოდნა პრაქტიკაში გადაეტანათ.

„საქართველოს გენერალური პროკურატურა კვალიფიციური კადრების მოძიების მიზნით, სისტემატურად ატარებს სტაჟიორთა შესარჩევ კონკურსს. კონკურსი 4 ეტაპიანია: აპლიკაციების გადარჩევა, პროფესიული ტესტირება, ტესტირება ზოგად უნარებში და გასაუბრება. 2019 წელს კონკურსზე განაცხადი სულ 1214-მა პირმა შემოიტანა, საიდანაც შესაბამისი ეტაპების გავლის შემდეგ 37 წარმატებული კანდიდატი შეირჩა, რომლებიც სტაჟირებას პროკურატურის სხვადასხვა სტრუქტურულ დანაყოფში გადიან“,- ნათქვამია ინფორმაციაში.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს