ანრი ოხანაშვილი - მესმის, რთულია რამდენიმე საათი სიცხეში პირბადით გამოცდაზე დაჯდომა, მათ კომფორტი უნდა შევუქმნათ, მანამდე კონკრეტული გადაწყვეტილებები იქნება მიღებული

იურიდიულ საკითხთა კომიტეტის თავმჯდომარის ანრი ოხანაშვილის შეფასებით, ძალიან რთულია რამდენიმე საათის განმავლობაში, სიცხეში პირბადით დაჯდომა და ერთიანი ეროვნული გამოცდების ჩაბარება. როგორც მან იურიდიულ საკითხთა კომიტეტის სხდომაზე განმარტა, აღნიშნული საკითხი რეგულირების პროცესშია და მანამდე კონკრეტული გადაწყვეტილებები იქნება მიღებული.

„საუბარი იყო აბიტურიენტებთან დაკავშირებით, რომლებსაც გამოცდის ჩაბარება უწევთ. მესმის, ძალიან რთულია რამდენიმე საათის განმავლობაში, სიცხეში პირბადით დაჯდომა და ისეთი საპასუხისმგებლო მისიის შესრულება, რასაც ერთიანი ეროვნული გამოცდების ჩაბარება ჰქვია. ამიტომ, მაქსიმალურად უნდა შევუქმნათ მათ კომფორტი, უბრალოდ, ეს საკითხი მიმდინარე რეგულირების პროცესშია, ვინაიდან ივნისის ბოლოს უწევთ აბიტურიენტებს გამოცდების ჩაბარება, მანამდე კონკრეტული გადაწყვეტილებები იქნება მიღებული. ამიტომ, ყველანაირად დაბალანსებული რეგულაციები იქნება, რომელსაც მთავრობა გაწერს“,-განაცხადა ოხანაშვილმა.

ცნობისთვის, ერთიანი ეროვნული გამოცდები 6 ივლისს დაიწყება, საგამოცდო სექტორში 10 აბიტურიენტზე მეტი არ დაიშვება, სამუშაო მაგიდა კი წინა მხრიდან დამცავი ფარით იქნება აღჭურვილი.

ზვიად კირტავა - ფრთხილი ოპტიმიზმი შეიძლება მქონდეს, რომ შევძლებთ მოსახლეობის საყოველთაო ვაქცინაციას, მაგრამ ჯერჯერობით ფრთხილი, - გეგმა არ გვინახავს
ქართული პრესის მიმოხილვა 22.01.2021
რა გეგმები აქვს ქუთაისის საერთაშორისო უნივერსიტეტს და რა პროგრამებს სთავაზობს სტუდენტებს? - ინტერვიუ უნივერსიტეტის კანცლერ მაგდა მაღრაძესთან
ბათუმში ბალნეოლოგიურ-გამაჯანსაღებელი ცენტრი აშენდება
2020 წელს ინტელიექსპრესის მიერ საქართველოში შემოტანილი ფულადი გზავნილების მოცულობამ 265 მილიონ დოლარს გადააჭარბა
ეფექტური გზა რესპირაციული ინფექციების პრევენციისთვის