თბილისის ინფექციური საავადმყოფოს კლინიკურმა დირექტორის, მარინა ეზუგბაიას განცხადებით, ბოლო 24 საათში კორონავირუსით ინფიცირების 6 ახალი შემთხვევის გამოვლენა საგანგაშო არ არის. როგორც მან ჟურნალისტებს განუცხადა, უკვე დიდი ხანია, რაც ერთდროულად 10-ზე მეტი ახალი შემთხვევა არ დადასტურებულა, რაც ნიშნავს, რომ ქვეყანაში სიტუაცია კონტროლს ექვემდებარება.
„რას ნიშნავს მოიმატა? იცით თქვენ, რომ ერთნიშნა ციფრებია და ასეთი ერთნიშნა ციფრები თუ გაგრძელდება, მილიონჯერ მითქვამს და კიდევ ერთხელ გავიმეორებ, ეს არ არის ცუდი, პირიქით, ეს არის კარგი. ყოველ დღე ერთი ვერ იქნება. 10-ზე მეტი დადასტურებული პაციენტი ჩვენ რამდენი ხანია არ გვყოლია, ეს არ არის ცუდი, ეს არის კარგი, ეს არის ზომიერი, კონტროლირებადი მატება, თუ ამას შევინარჩუნებთ ჩვენ მთელი პერიოდის განმავლობაში, ეს არ იქნება ცუდი და არ იქნება მდგომარეობის გაუარესების საწინდარი, ამიტომ, ამ 6 ახალ შემთხვევაზე ნუ ვილაპარაკებთ როგორც რაღაც განსაკუთრებულად მომატებულზე”, - განაცხადა ეზუგბაიამ.