დიახ, მიხეილ სააკაშვილის აზრი არის ანგარიშგასაწევი და არამოლოდ "ერთიანი ნაციონალური მოძრაობისთვის", არამედ ასობოთ ათასი ადამიანისთვის და ალბათ, მილიონობით ადამიანისთვის მთელ რეგიონში, მისი კოლექტიური მასშტაბებიდან გამომდინარე,- ამის შესახებ " ნაციონალური მოძრაობის" წევრმა სალომე სამადაშვილმა მიხეილ სააკაშვილის მიერ გაკეთებული განცხადების შეფასებისას განაცხდა. სამადაშვილის თქმით, მიხეილ სააკაშვილი არის რეგიონალური მასშტაბის ლიდერი ჩვენს რეგიონში.

"ამიტომ, მისი აზრი არის მნიშვნელოვანი არამხოლოდ პოლიტიკოსებისათვის და ადამიანებისთვის საქართველოში, არამედ არაერთ სხვა ქვეყანაში, რეგიონში. ამიტომ, ვფიქრობ, რომ დიახ, მისი აზრი არის ანგარიშგასაწევი და არამოლოდ "ერთიანი ნაციონალური მოძრაობისთვის", არამედ უამრავი ასობოთ ათასი ადამიანისთვის და ალბათ მილიონობით ადამიანისთვის მთელ რეგიონში მისი კოლექტიური მასშტაბებიდან გამომდინარე. ნებისმიერ მოქალაქეს უფლება აქვს აზრი გამოთქვას სხვა ქვეყანაში მიმდინარე პოლიტიკურ პროცესებზე. მე შემიძლია დღეს, შეფასება გავაკეთო პოლიტიკურ პროცესზე ნებისმიერ სხვა სახელმწიფოში და ძალიან დიდი განსხვავებაა აზრის გამოთქმასა და უშუალოდ, საარჩევნო აქტივობებში მონაწილეობას შორის",- განაცხადა სამადაშვილმა.

კითხვაზე, სააკაშვილის განცხადება დარჩება თუ არა მხოლოდ აზრის გამოთქმის დონეზე და არ ჩაერევა საქართველოში მიმდინარე პოლიტიკურ პროცესებში, სამადაშვილი პასუხობს, რომ კანონი ადგენს ყველა შესაბამის ჩარჩოს. "თუმცა,ძალიან სამწუხარო ალბათ, ის არის, რომ კანონს ჩვენს ქვეყანაში, პირველ რიგში, არღვევს ის, ვისაც ევალება. ეს არის ივანიშვილოს ხელისუფლება და სახელმწიფო",- განაცხადა სამადაშვილმა.

"არ ვაპირებ მშვიდად ვუყურო საქართველოს განადგურებას, ვემზადებით გამარჯვებისთვის,- ამის შესახებ საქართველოს მესამე პრეზიდენტმა მიხეილ სააკაშვილმა საკუთარ „ფეისბუქ“ გვერდზე გამოქვეყნებულ ვიდეოში განაცხადა. სააკაშვილის თქმით, წლევანდელ არჩევნებზე გადაწყდება, საქართველო დაიღუპება თუ გაიმარჯვებს.