ირაკლი კობახიძე - მე ადეკვატური და პირდაპირი ვარ, ზუსტად ვაფასებ იმ რეალობას, რაც ქართულ პოლიტიკასა და ოპოზიციაშია

მე ადეკვატური და პირდაპირი ვარ, ზუსტად ვაფასებ იმ რეალობას, რაც დღეს არის ჩამოყალიბებული ქართულ პოლიტიკასა და ქართულ ოპოზიციაში, - ასე უპასუხა პარლამენტის ყოფილმა თავმჯდომარემ, ირაკლი კობახიძემ ჟურნალისტების კითხვას, ხომ არ იყო სიძულვილის ენა მისი გუშინდელი განცხადება, სადაც მან ოპოზიცია ძროხას შეადარა. მისივე თქმით, ოპოზიცია ოქტომბერში მძიმე მარცხისთვის არის განწირული, რაც მათ სასოწარკვეთას იწვევს.

„ოპოზიციას არც სამეცნიერო ხარისხი არ აქვს და განცხადებებიც აბსოლუტურად არაადეკვატური აქვს. ამიტომ გავაკეთე გუშინ ის განცხადება. ოპოზიცია მთლიანად დაკარგულია, სასოწარკვეთილია და სწორედ ამით არის განპირობებული მათი ყველა მცდარი ნაბიჯი, რომელიც გადაიდგა განსაკუთრებით ბოლო პერიოდის განმავლობაში. ისინი ოქტომბერში ძალიან მძიმე მარცხისთვის არიან განწირული და ბუნებრივია, ესეც იწვევს მათ სასოწარკვეთას. მე ადეკვატური და პირდაპირი ვარ, ზუსტად ვაფასებ იმ რეალობას, რაც დღეს არის ჩამოყალიბებული ქართულ პოლიტიკასა და ქართულ ოპოზიციაში,“ - განაცხადა კობახიძემ.

ცნობისთვის, გუშინ ირაკლი კობახიძემ განაცხადა, რომ ოპოზიცია ხარზე მეტად ძროხას ჰგავს, თავად კი მზად არის ოპოზიციისთვის წითელი ნაჭრის ფუნქციის შესრულება განაგრძოს. მანამდე კი დეპუტატმა ეკა ბესელიამ განაცხადა, რომ „ქართული ოცნების“ საარჩევნო სიის სათავეში ყოფნის შესაძლებლობა ირაკლი კობახიძისთვის ისეა, „ხარს რომ წითელ ნაჭერს აუფრიალებ“.

ზაზა ფირალიშვილი - კრემლს ჩვენში ისეთი ძალის გამარჯვება აწყობს, ვინც კონფრონტაციული რიტორიკის ერთგული იქნება, ვერ შეძლებს ქვეყანში დიალოგისა და თანამშრომლობის ატმოსფეროს შექმნას
ქართული პრესის მიმოხილვა 29.10.2020
ანა დოლიძე - მჯერა, რომ უკეთესი საქართველოსთვის ბრძოლას  აქვს აზრი
„თეგეტა მოტორსი“ 25 წლის იუბილეს აღნიშნავს
სამსუნგის 8K რეზოლუციის ტელევიზორების ლაინაფით ახალ მწვერვალებს იპყრობს
მერაბ ჭიქაშვილი - როგორ შეიძლება კადრების ისე დადგმა, რომ მასში მონაწილეობა მაღალი თანამადებობის პირებს მიაღებინო? (R)
კახა ძაგანია - "ნაცმოძრაობის" მმართველობისას ყველაზე მეტი გარდაცვლილი პატიმარი იყო და ამაზე ყველა საერთაშორისო ორგანიზაცია წერდა (R)
გიორგი ლომია - "პატრიოტთა ალიანსი" ერთადერთი ძალაა, რომელიც სამართლიანობას აღადგენს (R)
ირმა ინაშვილი - ჩვენ არავის მივცემთ იმის უფლებას, რომ გამარჯვება წაგვართვან! (R)