ინდოეთის ქალაქ მუმბაიში კორონავირუსის დადასტურებულმა შემთხვევებმა 50 000-ს გადააჭარბა, რაც ქვეყანაში დაფიქსირებული შემთხვევების საერთო რაოდენობის თითქმის მეხუთედია, - ამის შესახებ ინფორმაციას CNN ავრცელებს.

ტელეკომპანიის ცნობით, ამ მაჩვენებლით მუმბაიმ ქალაქ უხანს გადაუსწრო, რომელიც ჩინეთში კორონავირუსის ეპიდემიის გავრცელების ეპიცენტრად ითვლება.

გავრცელებული ინფორმაციით, მუმბაიში გადაჭედილია საავადმყოფოები, ექიმებს კი გაზრდილ მიმართვიანობასთან გამკლავება უჭირთ.

ცნობისათვის, ინდოეთში კორონავირუსით დაინფიცირებულთა რაოდენობა 286 000-ს აჭარბებს, დაღუპულია 8 100 ადამიანი.