არჩილ თალაკვაძე - კანონში მითითებული იქნება, რომ მთავრობა განსაზღვრავს ეპიდსიტუაციის მიხედვით იმ სივრცეებს, სადაც პირბადის ტარება სავალდებულო  გახდება

კანონში ხდება დაკონკრეტება, რომ იმ ლოკაციებს, სად უნდა იყოს პირბადის გამოყენება სავალდებულო, განსაზღვრავს მთავრობა ან შესაბამისი სამინისტრო, - ამის შესახებ პარლამენტის თავმჯდომარე არჩილ თალაკვაძემ პირბადის გამოყენების წესის შესახებ კანონპროექტის განხილვისას განაცხადა. მისი თქმით, კანონში ჩაიწერება, რომ პირბადის ტარების მოთხოვნა გავრცელდება დახურულ საჯარო სივრცეებსა და საზოგადოებრივ ტრანსპორტში, ხოლო კონკრეტულ დაწესებულებებს და ვადებს განსაზღვრავს მთავრობა.

„კანონში ხდება დაკონკრეტება, რომ იმ ლოკაციებს, სად უნდა იყოს პირბადის გამოყენება სავალდებულო, განსაზღვრავს მთავრობა ან შესაბამისი სამინისტრო. ჩვენ ზოგადი პრინციპების დონეზე ვწერთ კანონში, რომ ეს შეეხება დახურულ საჯარო სივრცეებს, სადაც დღის განმავლობაში გენერიდება ადამიანებს შორის კონტაქტების ძალიან დიდი რაოდენობა და მეორე - საზოგადოებრივ ტრანსპორტს. ეს საკმაოდ კონკრეტული სივრცეებია, რაც კანონში იქნება განსაზღვრული. ამის შემდგომ, თუ რომელ დაწესებულებებს ეხება და რომელ ლოკაციებზე უნდა იყოს გამოყენებული პირბადის სავალდებულო ტარების წესი, ეს უნდა იყოს დაკონკრეტებული მთავრობის შესაბამის გადაწყვეტილებაში. ასევე, შეიძლება, რომ ის დროშიც იცვლებოდეს. შეიძლება იყოს რაღაც ლოკალური ეპიდაფეთქება, სადაც ტერიტორიის თუ სივრცის პრინციპით პირბადის გამოყენება იქნება საჭირო. ამ ინიციატივებს მივესალმები მე პირადად,“ - განაცხადა თალაკვაძემ.

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
ქართული პრესის მიმოხილვა 10.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ