ირანში ბოლო დღე-ღამეში კორონავირუსის 2 218 შემთხვევა გამოვლინდა და დაინფიცირებულთა საერთო რაოდენობა 180 156-მდე გაიზარდა, - შესაბამის მონაცემებს worldometers-ი აქვეყნებს.

ამავე სტატისტიკის თანახმად, ქვეყანაში ვირუსს 78 ადამიანის სიცოცხლე ემსხვერპლა და დაღუპულთა საერთო რაოდენობა 8 584-მდე გაიზარდა.

ცნობისათვის, კორონავირუსით დაინფიცირებულთა რაოდენობით ირანი მეათე ადგილზე დგას მსოფლიოში.

აღსანიშნავია, რომ ირანის პრეზიდენტი ჰასან რუჰანი შემთხვევების რაოდენობის მატებას ქვეყანაში ტესტირების მასშტაბის ზრდას უკავშირებს და აცხადებს, რომ მოსახლეობას შეშფოთების საფუძველი არ აქვს. „როდესაც მეტი ტესტი ტარდება, ბუნებრივია, რომ მეტი შემთხვევის იდენტიფიცირება ხდება,“- განაცხადა ირანის პრეზიდენტმა.