გლდანის რაიონში საფეხბურთო აკადემიის მშენებლობა მიმდინარეობს

გლდანის რაიონში, საქართველოს ფეხბურთის ფედერაციის კიდევ ერთი საფეხბურთო ცენტრის მშენებლობა მიმდინარეობს. პროექტი ხელოვნურსაფარიან სტანდარტულ და მინი საფეხბურთო მოედანს მოიცავს, სადაც ტრიბუნასთან ერთად, ადმინისტრაციული შენობაც განთავსდება.

თბილისის მერიის ინფორმაციით, მიმდინარე სამუშაოებს დედაქალაქის მერი, კახა კალაძე ფეხბურთის ფედერაციის პრეზიდენტ ლევან კობიაშვილთან ერთად გაეცნო.

თბილისის მერის განცხადებით, დედაქალაქის მერიისა და საქართველოს ფეხბურთის ფედერაციის ერთობლივი პროექტი ჯანსაღი ცხოვრების ხელშეწყობის კუთხით, ძალიან მნიშვნელოვანია. მსგავსი პროექტი სამგორის რაიონში უკვე განხორციელდა, რომლითაც ძალიან ბევრი მოქალაქე სარგებლობს.

„პირველი პროექტი სამგორის რაიონში, კონკრეტულად, ვარკეთილში განვახორციელეთ, რომელიც ძალიან დატვირთულია. გლდანში სამუშაოები შემოდგომაზე დასრულდება და ესეც ერთ-ერთი საუკეთესო პროექტი იქნება, სადაც პატარებს, ახალგაზრდებს, რაიონში მცხოვრებ მოქალაქეებს ექნებათ შესაძლებლობა, ამ კონკრეტული საფეხბურთო მოედნით ისარგებლონ. აღნიშნულ ტერიტორიაზე ორი მოედანი მოეწყობა - ერთი დიდი და მეორე პატარა, მინი ფეხბურთისთვის. ასევე, მოეწყობა განათების ქსელი, რათა ბავშვებმა თამაში ღამის საათებშიც შეძლონ. ძალიან მნიშვნელოვანია, რომ საფეხბურთო კომპლექსით სარგებლობა უფასო იქნება. დარწმუნებული ვარ, აღნიშნული ცენტრით ძალიან ბევრი ახალგაზრდა, ბევრი პატარა ისარგებლებს. ჩვენი მთავარი მიზანი და ამოცანაა, მსგავსი პროექტები ყველა რაიონში განვახორციელოთ, რათა ჯანსაღი ცხოვრების წესის დანერგვას შევუწყოთ ხელი. ძალიან დიდი მადლობა ფეხბურთის ფედერაციას, რომ ჩვენთან თანამშრობლობით, ასეთი კარგი პროექტები ხორციელდება“, - განაცხადა კახა კალაძემ.

საფეხბურთო ცენტრის მშენებლობა საქართველოს ფეხბურთის ფედერაციისა და ფიფა-ს პროგრამა - „ფორვარდის“ დაფინანსებით მიმდინარეობს. სამუშაოები 2020 წლის შემოდგომაზე დასრულდება.

„პროექტში ასევე, გათვალისწინებულია შენობა-ნაგებობა, რომელიც გამოიყენება გასახდელებისთვის, სველი წერტილებისთვის და ა.შ. ასევე, მოეწყობა დაახლოებით, 250 ადამიანზე გათვლილი ტრიბუნა. პროექტი სრულად დაფინანსებულია ერთი მხრივ, საქართველოს ფეხბურთის ფედერაციისა და მეორე მხრივ, ფიფა-ს „ფორვარდის“ პროგრამით. ძალიან მიხარია, რომ თბილისის მერიასთან ერთად, მსგავს პროექტებს ვახორციელებთ“, - განაცხადა ფეხბურთის ფედერაციის პრეზიდენტმა.

ამ ეტაპზე, ტერიტორიის შემოღობვა დასრულებულია, დამონტაჟებულია განათების ბოძები და მიმდინარეობს გასახდელი შენობის მშენებლობა. სპორტულ კომპლექსს ქალთა და მოყვარულ გუნდებთან ერთად, ადგილობრივი საფეხბურთო სკოლები უსასყიდლოდ გამოიყენებენ.

მერიის ინფორმაციით, საფეხბურთო აკადემიის მშენებლობის პროცესს თბილისის მერთან ერთად, გლდანის რაიონის გამგებელი, ბექა მიქაუტაძე და საკრებულოს მაჟორიტარი დეპუტატი, ოთარ გრიგოლია გაეცნენ.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს