ევროზონის ქვეყნების ფინანსთა მინისტრები ახალი ხელმძღვანელის შესარჩევად ერთთვიან პროცედურას იწყებენ

ევროზონის ქვეყნების ფინანსთა მინისტრები ახალი ხელმძღვანელის შესარჩევად ერთთვიან პროცედურას იწყებენ.

ევროჯგუფის ახალი პრეზიდენტი ამჟამინდელ ხელმძღვანელს - პორტუგალიის ფინანსთა მინისტრ მარიო ჩენტენოს ჩაანაცვლებს. მარიო ჩენტენო პოსტს ივლისში დატოვებს.

„როიტერის“ ინფორმაციით, შესაძლო კანდიდატებს შორის ესპანეთის, ლუქსემბურგის და ირლანდიის ფინანსთა მინისტრები სახელდებიან. ევროზონის მაღალჩინოსნები ერთ-ერთ სასურველ კანდიდატად ესპანეთის წარმომადგენელს ასახელებენ, რომელსაც გერმანიის მხარდაჭერაც აქვს.

ევროჯგუფი ევროს ვალუტაში შემავალ 19 ქვეყანას აერთიანებს, მისი ხელმძღვანელი კი ფინანსთა მინისტრების ყოველთვიური შეხვედრების დღის წესრიგს განსაზღვრავს.

ხელმძღვანელს ორგანიზაცია ორწელიწადნახევრიანი ვადით ირჩევს. პრეზიდენტობის კანდიდატმა 19-დან 10 ფინანსთა მინისტრის მხარდაჭერა მაინც უნდა მოიპოვოს. კენჭისყრისას ყველა ქვეყანას თითო ხმა აქვს. მომავალ კვირებში წევრი ქვეყნები საკუთარ კანდიდატებს წარმოადგენენ.

გიორგი ანთაძე - საქართველო ვაშინგტონისა და თავისუფალი სამყაროს მთავარი სტრატეგიული პარტნიორია სამხრეთ კავკასიაში და ჩვენ ეს როლი და ფუნქცია ბოლომდე უნდა ავითვისოთ
ქართული პრესის მიმოხილვა 27.01.2021
ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
JTI-ს საუკეთესო დამსაქმებლის ჯილდო გადაეცა
სადაზღვევო კომპანია "ევროინს ჯორჯიას" დამფუძნებელი კომპანია Eurohold, ბულგარეთში ელექტროენერგიის უდიდესი მომწოდებელი კომპანიის მფლობელი გახდა