გორის რაიონული სასამართლოს გადაწყვეტილებით, თარაშ კანდელაკს პატიმრობა შეეფარდა

8 ივნისს, ღამით, გორში მომხდარი ჩხუბის ფაქტზე დაკავებულ თარაშ კანდელაკს აღკვეთის ღონისძიების სახით ორთვიანი პატიმრობა შეეფარდა.

გორის რაიონული სასამართლოს მოსამართლე გერმანე დადეშქელიანმა სრულად გაიზიარა ბრალდების მხარის პოზიცია და მიზანშეწონილად ჩათვალა აღკვეთის ღონისძიებად პატიმრობის გამოყენება.

რაც შეეხება დაცვის მხარეს, თარაშ კანდელაკის ადვოკატები არ იზიარებენ ბრალდების მხარის პოზიციას და სასამართლოს წინაშე არასაპატიმრო პირობების და 20 000 ლარიანი გირაოს შეფარდება მოითხოვეს, პარალელურად, დაცვის მხარის შუამდგომლობა მოიცავდა ბრალდებული თარაშ კანდელაკისთვის ისეთი შეზღუდვების დაწესებას, როგორიცაა დაზარალებულთან ან გამოძიებისთვის საინტერესო სხვა პირებთან მიახლოების აკრძალვა, პასპორტის ჩამორთმევა, საკომუნიკაციო საშუალებებით სარგებლობის შეზღუდვა, ელექტრონული მონიტორინგი.

დაცვის მხარე მიიჩნევს რომ პატიმრობისთვის საჭირო არგუმენტები ბრალდების მხარეს დღევანდელ სხდომაზე არ წარმოუდგენია.

თარაშ კანდელაკის უფლებებს 5 ადვოკატი იცავს. მათი განცხადებით, აღკვეთის ღონისძიების შესახებ გორის რაიონული სასამართლოს გადაწყვეტილების გასაჩივრებას გეგმავენ.

ცნობისთვის, 18 წლის ერეკლე თედლიაშვილის ჯანმრთელობის მდგომარეობა კვლავ მძიმეა. დაშავებულ ახალგაზრდას გორსა და თბილისში ორი ოპერაცია უკვე ჩაუტარდა.

შეგახსენებთ, გორში, 18 წლის ახალგაზრდის ცემის ფაქტზე გამოძიება სისხლის სამართლის კოდექსის 117-ე მუხლის 1-ლი ნაწილით მიმდინარეობს, რაც ჯანმრთელობის განზრახ მძიმე დაზიანებას გულისხმობს, სასჯელის სახით კი თავისუფლების აღკვეთას ვადით სამიდან ექვს წლამდე ითვალისწინებს.

ცნობისთვის, წინასასამართლო სხდომა 31 ივლისს, 13:00 საათზე გაიმართება.

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
ქართული პრესის მიმოხილვა 10.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ