გაერო-ს მხარდაჭერის მისიამ ლიბიაში (UNSMIL) განცხადება გაავრცელა, სადაც აღნიშნულია, რომ „თავზარდაცემული“ არიან ქვეყანაში რვა მასობრივი სასაფლაოს აღმოჩენით.
„გაერო-ს მხარდაჭერის მისია თავზარდაცემულია რვა მასობრივი სასაფლაოს აღმოჩენის შესახებ გავრცელებული ინფორმაციით. საერთაშორისო სამართალი მოითხოვს, რომ ხელისუფლებამ ჩაატაროს სწრაფი, ეფექტური და გამჭვირვალე გამოძიება გარდაცვალების შესაძლო უკანონო ფაქტებთან დაკავშირებით,“- აღნიშნულია გაეროს მისიის განცხადებაში.
ცნობისათვის, გაერო-ს მიერ აღიარებული ლიბიის ეროვნული თანხმობის მთავრობა აცხადებს, რომ იმ ტერიტორიაზე, რომელიც ხალიფა ხაფთარის კონტროლისგან გაათავისუფლეს, 8 მასობრივი სასაფლაო აღმოაჩინეს, უმეტესობა მათგანი ქალაქ ტარჰუნაშია.
იხილეთ ვიდეო:გაერო ლიბიაში აღმოჩენილი მასობრივი სასაფლაოების გამო "თავზარდაცემულია"