სახელმწიფო ინსპექტორის სამსახურის გამომძიებლებმა არასრულწლოვანთა მართლმსაჯულების თემაზე სპეციალიზაციის კურსი გაიარეს

სახელმწიფო ინსპექტორის სამსახურის საგამოძიებო დეპარტამენტის გამომძიებლებს არასრულწლოვანთა მართლმსაჯულების თემაზე სპეციალიზაციის კურსი ჩაუტარდათ. ამის შესახებ „ინტერპრესნიუსს“ სახელმწიფო ინსპექტორის სამსახურიდან აცნობეს. მათი ინფორმაციით, სწავლების მიზანი გამომძიებლებისთვის არასრულწლოვანთა მართლმსაჯულებასთან დაკავშირებით კანონმდებლობაში დანერგილი სიახლეების, საერთაშორისო მიდგომებისა და სტანდარტების გაცნობა იყო.

„სწავლება დისტანციურ რეჟიმში განხორციელდა. სასწავლო პროცესში სახელმწიფო ინსპექტორი ლონდა თოლორაია პირადად ჩაერთო. მასთან ერთად, ტრენინგს დარგის სპეციალისტები: ბავშვთა და მოზარდთა ფსიქოლოგი ეკატერინე (ქეთი) თავართქილაძე და ბავშვთა დაცვის ექსპერტი ლადო ჯავახიშვილი, საქართველოს იუსტიციის სამინისტროს დანაშაულის პრევენციისა და პრობაციის ეროვნული სააგენტოს უფროსის მოადგილე უძღვებოდნენ. კურსის ბოლოს ტრენინგის მონაწილეებს გამოცდა ჩაუტარდათ და შესაბამისი სერტიფიკატები გადაეცათ. სპეციალიზაციის პროცესი საქართველოს იუსტიციის სასწავლო ცენტრის ორგანიზებითა და ევროპის საბჭოს პროექტის „არასრულწლოვან და ზრდასრულ თავისუფლებააღკვეთილ პირთა მხარდაჭერა (JADES)“ ფინანსური მხარდაჭერით განხორციელდა. სახელმწიფო ინსპექტორის სამსახურისთვის მნიშვნელოვანია ხელი შეუწყოს არასრულწლოვნის ჭეშმარიტ ინტერესზე ორიენტირებული სისტემის ჩამოყალიბებას. არასრულწლოვანთა მართლმსაჯულების საკითხებზე სპეციალიზებულ გამომძიებელთა პროფესიულ განვითარებაზე ზრუნვა მომავალშიც აქტიურად გაგრძელდება“,-ნათქვამია სახელმწიფო ინსპექტორის სამსახურის მიერ გავრცელებულ ინფორმაციაში.

გიორგი ანთაძე - საქართველო ვაშინგტონისა და თავისუფალი სამყაროს მთავარი სტრატეგიული პარტნიორია სამხრეთ კავკასიაში და ჩვენ ეს როლი და ფუნქცია ბოლომდე უნდა ავითვისოთ
ქართული პრესის მიმოხილვა 25.01.2021
ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
სილქფესტი მომხმარებლებს უქმეებზე ულიმიტო ინტერნეტ და უსასრულო სასაუბრო პაკეტების გააქტიურებას სთავაზობს