ირაკლი სესიაშვილი - როცა საქმე ეხება ეროვნულ ინტერესებს, ოპოზიციას გამბედაობა უნდა შესწევდეს, ვიწრო პოლიტიკური ინტერესები გვერდზე გადადოს

როცა საქმე ეხება ეროვნულ ინტერესებს და ჩვენი ქვეყნის თავდაცვა ეროვნული ინტერესია, ოპოზიციას პოლიტიკური გამბედაობა უნდა შესწევდეს, ვიწრო პოლიტიკური ინტერესები გვერდზე გადადოს,- ამის შესახებ თავდაცვისა და უშიშროების კომიტეტის თავმჯდომარე ირაკლი სესიაშვილმა ჟურნალისტებთან განაცხადა, რითაც გამოეხმაურა ოპოზიციის განცხადებებს იმის თაობაზე, რომ ისინი თავდაცვის მინისტრის პარლამენტში გამოსვლას არ დაესწრებიან.

ირაკლი სესიაშვილი თავდაცვის მინისტრისგან საინტერესო ანგარიშს ელოდება.

"ზოგადად, თავდაცვის მინისტრის ანგარიშის მოსმენა პარლამენტში არის საპარლამენტო კონტროლის ძალიან მნიშვნელოვანი ნაწილი. ჩვენი ქვეყნის მთავარი საფრთხე ეს არის რუსული ოკუპაცია, ჩვენი მთავარი მიზანი არის ნატო-ში გაწევრიანება და ამ მიმართულებით თავდაცვის სამინისტრო, თავდაცვის ძალები არის მნიშვნელოვანი ფლაგმანი. მინისტრი ღარიბაშვილი პირველივე დღიდან ძალიან აქტიურად ჩაერთო ახალი რეფორმების განხორციელების საქმეში. მინისტრმა სხვადასხვა ტელევიზიის ეთერში ისაუბრა გეგმებზე, რაც თავდაცვის სამინისტროს გააჩნია და მე ვიტყოდი, რომ ეს არის ამბიციური გეგმები. იქნება კითხვები, მოსაზრებები, ჩვენი ქვეყნის გაძლიერებაზე ფიქრი და მსჯელობა. საინტერესო იქნება ეს ყველაფერი. სამწუხაროა, რომ ოპოზიციის გარკვეული ნაწილი არ ესწრება. მე მიმაჩნია რომ ქვეყანაში, რომელსაც ასეთი ტიპის გამოწვევები და ასევე, ძალიან მნიშვნელოვანი ინტერესები აქვს ევროატლანტიკურ სივრცეში გაწევრიანების მიმართულებით და ოპოზიცია არ ესწრება სრულად, ეს არის არასწორი. როცა საქმე ეხება ეროვნულ ინტერესებს და ჩვენი ქვეყნის თავდაცვა ეროვნული ინტერესია, აქ უნდა მოახერხონ, პოლიტიკური გამბედაობა უნდა შესწევდეთ ვიწროპოლიტიკური ინტერესები გვერდზე გადადონ,"- განაცხადა სესიაშვილმა.

ცნობისათვის, დღეს პარლამენტში ირაკლი ღარიბაშვილს პლენარულ სესიაზე "მინისტრის საათის ფორმატში" მოუსმენენ.

ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ქართული პრესის მიმოხილვა 09.07.2020
ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
დეველოპერული კომპანია "ბლოქსი" მომხმარებლებს ბინებზე გრანდიოზულ ფასდაკლებას სთავაზობს
სადაზღვევო კომპანია "ბენეფიტსი" მცირე და საშუალო ბიზნესკომპანიებს სპეციალურ პირობებს სთავაზობს
FDA-იმ IQOS-თან დაკავშირებით გადაწყვეტილება მიიღო და კომპანიის მარკეტინგის უფლება მისცა  (R)
„ალიანს ჯგუფი“ BDO-სთან პარტნიორობით SAP Business One-ს ნერგავს
გაზელ ფაინენსის ინვესტიცია სანიორეს მეღვინეობაში, ნაფარეულის მიკროზონაში ვენახების მფლობელ კომპანიაში
„თბილღვინო“ განაგრძობს საკუთარი ვენახების განვითარებას