თბილისის საკრებულოს ისნის რაიონის მაჟორიტარმა წევრმა ლევა­ნ დავითაშვილმა, ამავე რაიონის დეპუტატ, პარლამენტის წევრ ირაკლი აბუსერიძესთან და ისნის რაიონის გამგებელ კახა ლაბუჩიძესთან ერთად, სამაჟორიტარო ოლქში მიმდინარე საგზაო სამუშაოები დაათვალიერა. ამის შესახებ „ინტერპრესნიუსს“ თბილისის საკრებულოდან აცნობეს.

,, ჩემს სამაჟორიტარო რაიონში აქტიურად მიმდინარეობს ინფრასტრუქტურული სამუშაოები. ამჯერად, ვაზისუბნის 3მ/რ-ის მე-2 კვარტლის მე-15, მე-16 კორპუსების მიმდებარედ გზის განახლება-აღდგენით სამუშაოებს გავეცანით, რომლის ფარგლებშიც დაგეგმილია როგორც ახალი ასფალტის საფარის დაგება, ისე საფეხმავლო ბილიკების მოწყობა და რეაბილიტაცია. მიმდინარე ინფრასტრუქტურული პროექტი, რომელიც პატარიძის ქუჩის გარკვეული მონაკვეთის რეაბილიტაციას ითვალისწინებს, ადგილობრივი ბიუჯეტიდან ფინანსდება"- განაცხადა ლევა­ნ დავითაშვილმა.