ისრაელის საელჩომ ბავშვთა განვითარების ინსტიტუტს კვებითი თერაპიისათვის საჭირო ინვენტარი და სამაგიდო თამაშები გადასცა

ისრაელის საელჩომ საქართველოში ბავშვთა განვითარების ინსტიტუტს კვებითი თერაპიისათვის საჭირო ინვენტარი და სამაგიდო თამაშები გადასცა. ამის შესახებ ინფორმაციას თავად საელჩო ავრცელებს.

მათი ცნობით, ისრაელის საელჩომ კორონავირუსით გამოწვეული რთული ვითარების დროს მხარდაჭერა გაუწია ბავშთა განვითარების ინსტიტუტს (http://cdi.iliauni.edu.ge/), რომელიც ილიას სახელმწიფო უნივერსიტეტის დაქვემდებარების ქვეშ მყოფი დაწესებულებაა და ერთ სივრცეში ქმნის განათლების, კვლევისა და ხარისხიანი სერვისის მიღების შესაძლებლობას ბავშვთა და მოზარდთა განვითარების სფეროში.

ისრაელის ელჩი რან გიდორი ინსტიტუტს ესტუმრა, სადაც მას დირექტორმა, ნინო ცინცაძემ უმასპინძლა და კიდევ ერთხელ უფრო დეტალურად გააცნო დაწესებულების საქმიანობა.

სტუმრობისას ინსტიტუტს ისრაელის საელჩოსგან კვებითი თერაპიისათვის საჭირო ინვენტარი და სამაგიდო თამაშები გადაეცა საჩუქრად.

შეხვედრაზე განხილულ იქნა უახლოეს მომავალში შემდგომი თანამშრომლობისა და ახალი ტრენინგების საკითხები.

ინფორმაციაში ასევე აღნიშნულია, რომ ისრაელის საელჩოსა და მაშავის პროგრამას (MASHAV - ისრაელის საერთაშორისო თანამშრომლობის განვითარების სააგენტო) ბავშვის განვითარების ინსტიტუტთან გრძელვადიანი თანამშრომლობა აქვს. მაშავის პროგრამის მხარდაჭერით საქართველოში იმყოფებოდნენ კომუნიკაციის, ენისა და მეტყველების თერაპევტები, რომლებმაც ინსტიტუტის თანამშრომლებსა და უნივერსიტეტის ენა-მეტყველების თერაპიის სამაგისტრო პროგრამის სტუდენტებს სალექციო კურსები ჩაუტარეს.

ალექსანდრე თვალჭრელიძე - ჩვენი პოლიტიკური სპექტრის ნარატივი ინფანტილური და ფიცარივით ბრტყელია, არ გამოვრიცხავ ახალი პარტიის დაფუძნებას
ქართული პრესის მიმოხილვა 18.01.2021
როგორ გაართვა თავი განათლების სისტემამ სწავლების დისტანციურ რეჟიმს? - პირველი სემესტრის შედეგებს განათლების მინისტრის მოადგილე აჯამებს
ეფექტური გზა რესპირაციული ინფექციების პრევენციისთვის
D ვიტამინის გავლენა რეპროდუქციულ ჯანმრთელობაზე