რომან გოცირიძე მიიჩნევს, რომ თეა წულუკიანის ივანიშვილთან დაკავშირებით გაკეთებული განცხადება ანტიკონსტიტუციური და მლიქვნელურია

ივანიშვილი არ უნახავს წულუკიანს ოთხი თვეა, რამდენი ნიღაბიც არ უნდა გაიკეთოს და რამდენი სკაფანდრიც არ უნდა ჩაიცვას, ივანიშვილი არ შეუშვებს თავის ბუნკერში,- ამის შესახებ ფრაქცია „ნაციონალური მოძრაობის" თავმჯდომარე რომან გოცირიძემ ჟურნალისტებთან განაცხადა, რითაც ბიძინა ივანიშვილის შესახებ თეა წუკულიანის განცხადებას გამოეხმაურა.

მისი თქმით, წულუკიანის განცხადება ანტიკონსტიტუციურია და იმის დადასტურებაა, რომ „ქართული ოცნება" „თავის მინისტრებიან, დეპუტატებიანად წარმოადგენენ ბიძინა ივანიშვილის მარიონეტებს და ყურმოჭრილ მონებს".

„წულუკიანის განცხადება არის ანტიკონსტიტუციური. თურმე სახელმწიფო ინსტიტუტებზე კი არ არის დამოკიდებული ქვეყნის განვითარების ბედი, ან კანონის აღსრულება, არამედ არაფორმალ ადამიანზე, რომელიც არის პარტიული ლიდერი და არ არის არც ერთი სახელისუფლებო შტოს ნაწილი. ეს ანტიკონსტიტუციურიც არის, სულელურიც, მლიქვნელურიც და არის იმის დადასტურება, რომ „ქართული ოცნება" თავის მინისტრებიან, დეპუტატებიანად წარმოადგენენ ბიძინა ივანიშვილის მარიონეტებს, ყურმოჭრილ მონებს და შეჰყურებენ ერთ ადამიანს, როგორც მეფეს და როგორც ციდან მოვლენილ ფულიან კაცს. რომ შეშინდეს ივანიშვილი, მოელანდოს, რომ ვირუსი იქნება სამუდამოდ და ჩაიკეტოს თავის ბუნკერში, ასე ბუნკერიდან უნდა მართოს მესიჯებით ქვეყანა? - ვეკითხები წულუკიანს. ივანიშვილი არ უნახავს მას ოთხი თვეა, რამდენი ნიღაბიც არ უნდა გაიკეთოს და რამდენი სკაფანდრიც არ უნდა ჩაიცვას, ივანიშვილი არ შეუშვებს თავის ბუნკერში. ამიტომ ძალიან არასერიოზული განცხადებაა მისი მხრიდან,"- განაცხადა გოცირიძემ.

ცნობისათვის, თეა წულუკიანმა განაცხადა, რომ ბიძინა ივანიშვილი სტაბილურობის და ქვეყნის სუვერენობის გარანტია.

ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
ქართული პრესის მიმოხილვა 22.01.2021
არჩილ მორჩილაძე - ბიუჯეტის ხარჯზე მედიკამენტების ხარჯების ანაზღაურებას სახელმწიფოს მიერ დასაქმებული ადამიანები და მათი ოჯახის წევრები, 250 000-ზე მეტი ადამიანი იღებს, როცა უამრავი სოციალურად დაუცველი ამ დაფარვის მიღმაა დარჩენილი
რა გეგმები აქვს ქუთაისის საერთაშორისო უნივერსიტეტს და რა პროგრამებს სთავაზობს სტუდენტებს? - ინტერვიუ უნივერსიტეტის კანცლერ მაგდა მაღრაძესთან
სილქფესტი მომხმარებლებს უქმეებზე ულიმიტო ინტერნეტ და უსასრულო სასაუბრო პაკეტების გააქტიურებას სთავაზობს
დეველოპერული კომპანია „ბლოქსი“ ქალაქ ზუგდიდში მულტიფუნქციური სავაჭრო ცენტრის მშენებლობას იწყებს
ევროკავშირის და FAO-ს მხარდაჭერით ქართველი ფერმერები შემოსავლებს და წარმოებას ზრდიან