ლევან გოფოძე - რისკი, რომ თვითონ ექიმები გახდებიან პაციენტებისთვის გამავრცელებლები, ნაკლებია - არ ვაპირებთ, უარი ვთქვათ პაციენტების მიღებაზე

რესპუბლიკური საავადმყოფოს დირექტორის ლევან გოფოძის განცხადებით, კლინიკაში მედიკოსების დაინფიცირების მიუხედავად, რესპუბლიკური საავადმყოფო პაციენტების მიღებას არ წყვეტს. გოფოძის განცხადებით, რისკი, რომ თავად ექიმები გახდებიან პაციენტებს შორის ვირუსის გამავრცელებელნი, ძალიან ცოტაა.

„ჩვენ არ შეგვიწყვეტია პაციენტების მიღება. ამ რეჟიმში სულ ვმუშაობდით. მთლიანად კონტროლირებადია სიტუაცია. პაციენტებთან ვინც მუშაობს, მათ PCR ტესტი ჩატარებული აქვთ. ამჟამად სულ 9 სანიტარი იმუშავებს 14 დღის განმავლობაში, რომელთაც ნეგატიური PCR ტესტი აქვთ უკვე. იგივე რეჟიმში იქნებიან ექთნები და ექიმებიც. ასე, რომ რისკი, რომ თვითონ ექიმები გახდებიან პაციენტებისთვის გამავრცელებლები, ძალიან ნაკლებია. მთელი ამ სამი თვის განმავლობაში, რაც ჩვენ ვმუშაობთ, ეს არის ცხელების ცენტრი, პლუს კოვიდ-ცენტრი. ჩვენთან პაციენტები შემოდიან ცხელებით და არ ვაპირებთ, უარი ვთქვათ პაციენტების მიღებაზე და მათ დახმარებაზე“,- განაცხადა გოფოძემ.

ცნობისთვის, რესპუბლიკურ საავადმყოფოში კორონავირუსით ინფიცირების 6 ახალი შემთხვევიდან ორი მედპერსონალია.

გიორგი ანთაძე - საქართველო ვაშინგტონისა და თავისუფალი სამყაროს მთავარი სტრატეგიული პარტნიორია სამხრეთ კავკასიაში და ჩვენ ეს როლი და ფუნქცია ბოლომდე უნდა ავითვისოთ
ქართული პრესის მიმოხილვა 25.01.2021
ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
სილქფესტი მომხმარებლებს უქმეებზე ულიმიტო ინტერნეტ და უსასრულო სასაუბრო პაკეტების გააქტიურებას სთავაზობს