გიორგი გახარია - არ უნდა გვეგონოს, რომ ბრძოლა დასრულებულია და გამარჯვებას მივაღწიეთ, რაც უფრო მოვადუნებთ ყურადღებას, მით უფრო სწრაფად გავრცელდება ვირუსი

რაც უფრო მოვადუნებთ ყურადღებას, მით უფრო სწრაფად გავრცელდება ვირუსი, ეს ყველას უნდა გვესმოდეს, - ამის შესახებ საქართველოს პრემიერ-მინისტრმა გიორგი გახარიამ პანდემიის დროს საქართველოში დაბრუნებულ მოქალაქეებთან შეხვედრისას განაცხადა.

მისი თქმით, შეუძლებელია, რომ ცალკე აღებულმა ქვეყანამ პანდემია დაამარცხოს. ამასთანავე, პრემიერ-მინისტრმა აღნიშნა, რომ მიღწეული შედეგის შენარჩუნებას გაცილებით მეტი შრომა და ყურადღების გამოჩენა სჭირდება.

„არ უნდა გვეგონოს არავის, რომ ჩვენ რაღაც დავასრულეთ ან ბრძოლა დასრულებულია და გამარჯვებას მივაღწიეთ. რაც უფრო მოვადუნებთ ყურადღებას, მით უფრო სწრაფად გავრცელდება ვირუსი, ეს ყველას უნდა გვესმოდეს. შეუძლებელია, ცალკე აღებულმა ქვეყანამ დაამარცხოს პანდემია. გლობალური გამოწვევაა ეს, ყველა ვხედავთ, რა ხდება რეგიონში, ყველა ვხედავთ, რომ საქართველო არის ასე თუ ისე სიმშვიდის და მწვანე კუნძული, მაგრამ ამის შენარჩუნება ახლა კიდევ უფრო მეტ შრომას მოითხოვს. ამიტომ, უდიდესი პასუხისმგებლობა და ყურადღება გვმართებს თითოეულ ჩვენგანს ყოველდღიურ ჩვენს ცხოვრებაში იმიტომ, რომ როგორც კი მოვდუნდებით, აბსოლუტურად დარწმუნებული ვარ, რომ ვირუსი გავრცელდება ისე სწრაფად, რომ ვერც მოვასწრებთ გააზრებას და დავრჩებით მერე ასე, შევხედავთ ერთმანეთს და ვიტყვით, როგორ დაგვემართაო. ამიტომ უნდა გვქონდეს მაღალი ხარისხის პასუხისმგებლობა. ეს არ არის მარტო მთავრობის ბრძოლა ეს ყველას ბრძოლაა. ისევე როგორც რამეს თუ მივაღწიეთ მივაღწიეთ ერთობლივად, ასევე ერთობლივად უნდა შევინარჩუნოთ ეს ყველაფერი იმიტომ, რომ თითოეულ ჩვენს მოქალაქეს, განსაკუთრებით მათ, ვინც დაბრუნდნენ ქვეყანაში, უნდა მივცეთ იმის საშუალება, რომ ღირსეულად არჩინონ თავისი ოჯახები აქ, საქართველოში შრომით. ამისთვის, პირველ რიგში, გვჭირდება კონტროლი, უნდა ვაკონტროლოთ ეპიდემიის გავრცელება. უნდა გვქონდეს მარტივი ფორმულა-სწრაფად უნდა გამოვავლინოთ, სწრაფად უნდა ვუმკურნალოთ და სწრაფად უნდა დავაბრუნოთ ადამიანი ნორმალურ ცხოვრებაში“, - განაცხადა გიორგი გახარიამ.

იხილეთ ვიდეო

ზაზა ფირალიშვილი - არ ჩანს დიდი იდეა, არ ჩანან პოლიტიკური აქტორები, რომლებიც თავისი გადამდები ენთუზიაზმით და ენერგიით „აამოძრავებდნენ“ საზოგადოებას
ქართული პრესის მიმოხილვა 15.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ტერაბანკის ინოვაციური ბოტის საკომუნიკაციო კამპანიამ საერთაშორისო აღიარება მოიპოვა
ჰიუნდაი ავტო საქართველომ სონატას ახალი მე-8 თაობის მოდელი წარადგინა
სასტუმრო „ბილტმორ თბილისის“ სპა ცენტრი განახლებული შეთავაზებებით ჩვეულ რეჟიმს უბრუნდება