თავდაცვის მინისტრის ირაკლი ღარიბაშვილის განცხადებით, საქართველოს ისრაელთან მჭიდრო პარტნიორული და სტრატეგიული თანამშრომლობა აკავშირებს. როგორც მან პარლამენტში, „მინისტრის საათის“ ფორმატში სიტყვით გამოსვლისას აღნიშნა, თავდაცვის სამინისტრო წელს საზენიტო-სარაკეტო სისტემების განახლება-გაძლიერებას გეგმავს.

„გიდასტურებთ, რომ ისრაელთან მჭიდრო პარტნიორული და სტრატეგიული თამშრომლობა გვაქვს. წელს ჩვენ ვგეგმავთ, საზენიტო-სარაკეტო სისტემების განახლება-გაძლიერებასა და მოდერნიზაციას. კითხვები ან სპეკულაციები, რომელიც შეეხებოდა იმას, რას ვაკეთებთ თუნდაც საჰაერო-თავდაცვის მიმართულებით, ეს არის კონკრეტული მაგალითი, რომ ისრაელთან თამაშრომლობის წარმატებული გამოცდილება გვაქვს და წელს სწორედ ამ საზენიტო-სარაკეტო სისტემების განახლებას ვგეგმავთ“,-განაცხადა ღარიბაშვილმა.